الماتى وبلىسىنىڭ مەديتسينا مەكەمەلەرى «Sagtandyry» ورتالىقتاندىرىلعان جۇيەسىنە قوسىلۋدى اياقتاپ قالدى. بۇل جۇيە «مىندەتتى الەۋمەتتىك مەديتسينالىق ساقتاندىرۋ» قورى بويىنشا جۇزەگە اساتىن قارجىلىق تولەمدەردى ناقتى ءارى قىسقا مەرزىمدە تولەۋ ءۇشىن قولدانىلماق.
جۇيە بويىنشا ىستەلەتىن جۇمىستىڭ ءمىنسىز بولۋى ءۇشىن وبلىستاعى بارلىق ەمحانالار مەن اۋرۋحانالاردى ينتەرنەت جەلىسىنە قوسۋ قاجەت ەكەن. بۇگىندە بۇل مىندەت تولىقتاي ورىندالدى دەۋگە بولادى. اتاپ ايتقاندا, وبلىستىق, اۋداندىق دەڭگەيدەگى مەكەمەلەردىڭ ينتەرنەتپەن قامتىلۋى 100 پروتسەنتكە جەتكەن. ال شالعاي اۋىلدارداعى ەمحانالاردىڭ عالامتور جەلىسىنە قوسىلۋى Astel جەر سەرىگى ارقىلى جۇزەگە اسىپ جاتىر. قازىر اۋىلدىق ايماقتاعى 588 مەديتسينا مەكەمەسىنىڭ ءتورت ءجۇز الپىس بىرىندە جوعارى جىلدامدىقتى ينتەرنەت ىستەپ تۇر. قالعان مەكەمەلەردى قامتۋ جاقىن كۇندەرى اياقتالماقشى.
-وبلىستا مىندەتتى الەۋمەتتىك مەديتسينالىق ساقتاندىرۋ جۇيەسىنە قوسىلۋ بويىنشا ايتارلىقتاي جۇمىس ىستەلدى. اسىرەسە, تەحنيكالىق دايىندىق شاراسىنا كوپ كوڭىل بولدىك. بۇل ءۇشىن ايماقتاعى مەديتسينا مەكەمەلەرىن جاڭا ۇلگىدەگى كەڭسە تەحنيكاسىمەن قامتۋ كۇن تارتىبىنە شىقتى. قازىر وسى مىندەتتى تولىق اتقاردىق. جەرگىلىكتى بيۋدجەت قاراجاتى ەسەبىنەن 952 كومپيۋتەر ساتىپ الىندى. وعان 112 ملن تەڭگە قارجى جۇمسالدى. سونىڭ ارقاسىندا ەمحنالارداعى تەحنيكالىق قولداۋ 100 پروتسەنتكە جەتتى, دەيدى الماتى وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.