مەملەكەت باسشىسى ق.توقاەۆتىڭ جاڭا حالىقارالىق باعىتتاردى اشۋ جونىندەگى تاپسىرماسى اياسىندا قازاقستان رەسپۋبليكاسىنىڭ يدم ازاماتتىق اۆياتسيا كوميتەتى جۇيەلى جۇمىس جۇرگىزۋدە. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
2019 جىلعى جەلتوقساندا اكابا (يوردانيا) قالاسىندا حالىقارالىق ازاماتتىق اۆياتسيا ۇيىمى (يكاو) اياسىندا ۇيىمداستىرىلاتىن اۋە قاتىناستارى تۋرالى كەلىسسوزدەر جۇرگىزۋ بويىنشا جىل سايىنعى كەزەكتى كونفەرەنتسياسىندا (ICAN 2019) كوميتەت پەن بەلارۋس رەسپۋبليكاسىنىڭ اۆياتسيالىق بيلىكتەرىمەن قول جەتكىزىلگەن ۋاعدالاستىقتارىنا سايكەس, «بەلاۆيا» اۋە كومپانياسى قازاقستان قالالارىنا بىرقاتار رەيستەردى اشادى.
قازىرگى ۋاقىتتا اۋە كومپانيا 2020 جىلدىڭ جازعى كەزەڭىندە ورىندالاتىن مينسك - اقتاۋ, مينسك - قاراعاندى, مينسك - پاۆلودار جانە مينسك - قوستاناي رەيستەرىنە اۋە بيلەتتەردى ساتۋدى باستادى.
قازىرگى ۋاقىتتا «بەلاۆيا» اۋە كومپانياسى نۇر-سۇلتان جانە الماتى قالالارىنا جىل بويى رەيستەردى ورىندايدى.
اعىمداعى جىلدىڭ شىلدە ايىنان باستاپ مينسك – الماتى باعىتىنداعى رەيستەر كۇن سايىن ورىندالاتىن بولادى.