ءماجىلىس توراعاسى نۇرلان نىعماتۋلين پراۆوسلاۆ حريستياندارىن روجدەستۆو مەرەكەسىمەن قۇتتىقتادى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
مەرەكەلىك قۇتتىقتاۋىن ءوزىنىڭ Twitter پاراقشاسىندا جاريالادى.
- ەلىمىزدىڭ پراۆوسلاۆ حريستياندارىن روجدەستۆو مەرەكەسىمەن قۇتتىقتايمىن! وسىناۋ جارقىن مەيرام ءاربىر ۇيگە, ءاربىر وتباسىنا جىلىلىق, قۋانىش اكەلسىن. بارشا قازاقستاندىقتارعا دەنساۋلىق, ىرىس-قۇت, باق-بەرەكە تىلەيمىن, دەپ جازدى ن. نىعماتۋلين.
ءماجىلىس توراعاسىنىڭ پىكىرىنشە, بۇل مەرەكە ادامداردى مەيىرىمدىلىك, قايىرىمدىلىق سىندى جالپىعا ورتاق ادامگەرشىلىك قۇندىلىقتار توڭىرەگىندە بىرىكتىرە وتىرىپ, بەيبىت ءومىر مەن ءوزارا تۇسىنىستىككە جەتەلەيدى. نۇرلان نىعماتۋلين اتاپ وتكەندەي, تۇڭعىش پرەزيدەنتىمىز - ەلباسى نۇرسۇلتان نازارباەۆتىڭ جانە مەملەكەت باسشىسى قاسىم-جومارت توقاەۆ ساياساتىنىڭ نەگىزىمەن ۇندەسەدى. سونىڭ ناتيجەسىندە بۇگىندە قازاقستان قوعامدىق جانە كونفەسسياارالىق كەلىسىمدە كوپتەگەن ەلدەرگە ۇلگى بولىپ كەلەدى.