اقتوبەدە سوڭعى جىلدارى «جىلى ش ۇلىق» اتتى قايىرىمدىلىق اكتسياسىن وتكىزۋ تۇراقتى سيپات الىپ كەلەدى. بۇعان «اقبوبەك» قايىرىمدىلىق كومپانياسى باستاماشى بولىپ وتىر. بۇل قايىرىمى مەن جۇرەگىنىڭ جىلۋى مول جانداردىڭ قالتاداعى قاراجاتىمەن ەمەس, كوكىرەكتەگى ىزگىلىگى مەن جان بايلىعىنان باستاۋ الاتىن ءىس ەكەنى انىق.
ياعني, اكتسيا اياسىندا توقىما ونەرگە يكەمى بار قىز-كەلىنشەكتەردىڭ قولىنان شىققان جىلى ش ۇلىقتار از قامتىلعان وتباسىلاردىڭ بالالارىنا بەرىلەدى. اتالعان ءراسىم ولار قىستان توڭباي, اۋىرماي, اياقتارىنان سىز وتپەي شىقسىن دەگەن ىزگى نيەتپەن ۇسىنىلادى. جاس جۇرەكتەرگە جىلىلىق پەن مەيىرىم شۋاعىن تاراتۋدىڭ ءبىر جولى وسى. ءبىر سۇيسىنەرلىگى, جىل سايىن بۇل شاراعا قولداۋ كورسەتكەن قاراپايىم جانداردىڭ قاتارى كوبەيىپ كەلەدى.
داستۇرگە ەنە باستاعان اكتسيا اتاۋى «جىلى ش ۇلىق» بولعانىمەن جەتىم جانە تۇرمىسى تومەن وتباسىلاردا تاربيەلەنىپ جۇرگەن بالالارعا قىس قارساڭىندا بەرىلەتىن سىي-سىياپات تەك جىلى ش ۇلىقپەن شەكتەلمەيدى. سونىمەن بىرگە توقىلعان كەۋدەشە, باس كيىمدەر مەن قولعاپتار دا تەگىن سىيلانادى. ءتىپتى قىزدار ءۇشىن كوزدىڭ جاۋىن الاتىنداي ادەمى كويلەكتەر دە تىگىلەدى. سوڭعى جىلدارى جاسىل ش ۇلىق قايىرىمدىلىق اكتسياسى شەڭبەرىندە مىڭنان استام جاس جەتكىنشەككە ون ميلليون تەڭگە كولەمىندە تەگىن كومەك بەرىلدى.
اقتوبە