بۇگىن ءماجىلىستىڭ الەۋمەتتىك-مادەني دامۋ كوميتەتىنىڭ ءتورايىمى گۇلشارا ابدىقالىقوۆا مەن دەپۋتات ميحايل چيركوۆ ەلورداداعى «جاستار» تەاترىنىڭ ۇجىمىمەن كەزدەستى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
ءماجىلىس دەپۋتاتتارى, «Nur Otan» پارتياسى فراكتسياسىنىڭ مۇشەلەرى قازاقستان رەسپۋبليكاسى پرەزيدەنتىنىڭ نەگىزگى باعدارلامالىق قۇجاتتارى مەن باستامالارىن ىسكە اسىرۋ ءۇشىن قابىلدانعان زاڭنامالىق جاڭاشىلدىقتار, سونداي-اق ءماجىلىستىڭ زاڭنامالىق جۇمىستارى تۋرالى حاباردار ەتەدى.
اڭگىمە بارىسىندا مادەنيەت سالاسىندا كۇتىلەتىن وزگەرىستەرگە ەرەكشە نازار اۋدارىلدى. گ.ابدىقالىقوۆانىڭ ايتۋىنشا, مەملەكەت باسشىسى قاسىم-جومارت توقاەۆتىڭ جولداۋى اياسىندا مادەنيەت قىزمەتكەرلەرىنە قولداۋ كورسەتۋدىڭ ناقتى شارالارىن قاراستىراتىن «مادەنيەت تۋرالى» زاڭعا تۇزەتۋلەر ازىرلەۋ تاپسىرىلدى. بۇعان مادەني قولداۋ قورىن قۇرۋ, تسيفرلاندىرۋ ماسەلەلەرى جانە كونتسەرتتىك قىزمەتتى رەتتەۋ كىرەدى. سونداي-اق وسى جىلدىڭ بيۋدجەتىندە تەاتر قىزمەتكەرلەرىنىڭ جالاقىسىن كوتەرۋگە قاراجات قاراستىرىلعان.
ء«بىز تەاترلارعا كومەكتەسۋدى جالعاستىرامىز», دەدى دەپۋتات. ءوز كەزەگىندە تەاتر ارتىستەرى «مەملەكەتتىك ساتىپ الۋ تۋرالى» زاڭعا ءتيىستى وزگەرتۋلەر ەنگىزۋدى كوزدەيتىن دەكوراتسيا مەن ساحنالىق كوستيۋمدەردى ساتىپ الۋمەن بايلانىستى پروبلەمالار تۋرالى ايتتى.
«كەزىندە ەلباسى ۇلكەن قولداۋ كورسەتكەن «جاستار» تەاترى ۇجىمىمەن وتە ماڭىزدى كەزدەسۋ ءوتتى», دەپ قورىتىندىلادى گ.ابدىقالىقوۆا.