2019 جىلى قىزىلوردا وبلىستىق پروكۋراتۋراسىمەن باسىمدىق بەرىلگەن نەگىزگى جۇمىس – قىلمىسپەن كۇرەس. قۇقىق بۇزۋشىلىقتى ازايتۋ جانە ولاردىڭ الدىن-الۋ. وسى ماقساتتا وبلىستا بىرقاتار ناقتى جۇمىستار اتقارىلدى.
ەڭ اۋەلى قىلمىسقا بەيىم 3 مىڭنان استام ادامنىڭ ءتىزىمى دايىندالدى. ولار بۇرىن سوتتالعاندار, ماسكۇنەمدەر, ناشاقورلار جانە وتباسىنىڭ ءجيى شىرقىن بۇزاتىندار. وسىلاردى باقىلاۋعا الۋ ناتيجەسىندە وڭىردەگى قىلمىستىلىق جىل قورىتىندىسىمەن 18% تومەندەدى. ونىڭ ىشىندە كىسى ءولتىرۋ 28%, توناۋ 43%, ۇرلىق 22%.
الەۋمەتتىك, اكىمشىلىك باعىتتاعى جۇمىستار بويىنشا دا بىرقاتار زاڭ بۇزۋشىلىقتار انىقتالدى. ناتيجەسىندە 1075 تۇلعا ءتۇرلى جاۋاپتىلىققا تارتىلىپ, مەملەكەتكە 2,4 ملرد تەڭگە ءوندىرىلدى.
سونىڭ ىشىندە ەڭ قوماقتىسى رەتىندە جاڭاقورعان اۋداندىق امبۋلاتوريالىق ەمحانانىڭ باس ەسەپشىسىمەن تالان-تاراجعا تۇسكەن 19,6 ملن تگ جانە 615 ملن تەڭگەگە سالىق مولشەرىن ازايتىپ كورسەتكەن قىزىلوردا قالاسىنداعى ەكى كوممۋنالدىق مەكەمەنى اتاپ وتۋگە بولادى.
وبلىستا مۇگەدەكتەردىڭ قۇقىقتارى بويىنشا دا بىراقاتار زاڭ بۇزۋشىلىقتاردىڭ ورىن العانى بەلگىلى بولدى. ماسەلەن, سوتپەن ارەكەتكە قابىلەتسىز دەپ تانىلعان 300 مۇگەدەكتىڭ ەسەپشوتىنداعى قارجىلارى تەگىن بەرىلەتىن ءدارى-دارمەك الۋعا نەگىزسىز جۇمسالعان. قاداعالاۋ اكتىسىمەن ولاردىڭ باقىلاۋ شوتتارىنا 92 مىڭ تەڭگە كەرى قايتارىلدى.
ايماعىمىزدا ەلىمىزدىڭ كوشى-قون زاڭىن بۇزعان جانە جالعان قۇجاتتارمەن جۇمىسقا ورنالاسقان شەتەل ازاماتتارى انىقتالدى.
جۇمىس كۇشىن تارتۋعا زاڭسىز رۇقسات العان شەتەلدىك كومپانيا 120 قىتاي ازاماتىنىڭ جالعان ديپلوممەن جۇمىس ىستەۋىنە جول بەرگەن.
تەكسەرۋ قورىتىندىسىمەن ولاردىڭ بارلىعى رەسپۋبليكا اۋماعىنان شىعارىلدى.
ال زاڭدى جولمەن جۇمىسىن ىستەپ, ماڭداي تەرىن توگىپ سوڭىندا جالاقىسىن الا الماي جۇرگەن جەرلەستەرىمىزدىڭ ماسەلەسى دە نازاردان تىس قالعان جوق.
جىل باسىنداعى ەسەپ بويىنشا ءتۇرلى مەكەمەلەرمەن جۇمىسشىلارعا 150 ملن تەڭگە قارىز قالىپتاسقان. پروكۋرورلاردىڭ ارالاسۋىنان كەيىن مىڭداعان ازاماتتىڭ جالاقىسى ءوندىرىلدى. وسى كۇنى بەرەشەك قارىز ون ەسەگە تومەندەدى.
اليمەنت بويىنشا جىل بويى اتقارىلعان جۇمىستاردىڭ ناتيجەسىندە 12 مىڭ بالاعا قاتىستى 407 ملن تەڭگە بەرەشەك قارىز وتەلدى.
ەلباسىمىزدىڭ جانە پرەزيدەنتىمىزدىڭ تاپسىرماسىنا سايكەس يگەرۋسىز قالعان جەرلەردى انىقتاۋ جانە ولاردى اينالىمعا ەنگىزۋ ماقساتىندا ناقتى جۇمىستار اتقارىلدى. جالپى قۇنى 2,5 ميلليارد تەڭگەنىڭ 84 جەر ۋچاسكەسى مەملەكەتكە قايتارىلدى.
جىل بويى اكىمشىلىك ايىپپۇلداردى ءوندىرۋ جۇمىسى قارقىن الىپ, 72%-عا ارتىپ, رەسپۋبليكادا العاشقى ورىنداردىڭ بىرىنە شىقتى.
قىزىلوردا وبلىسىنىڭ پروكۋراتۋراسىمەن 2019 جىلدىڭ تامىز ايىنان باستاپ «زاڭ كەرۋەنى» اكتسياسى باستالىپ, وبلىستاعى بارلىق ەلدى مەكەنگە بارىپ, حالىقپەن كەزدەسىپ, ساۋالدارىن تىڭدادى. اكتسيا اياسىندا وبلىس كولەمىندەگى 135 ەلدى مەكەن مەن اۋدان ورتالىقتارى قامتىلدى.
ناتيجەسىندە ءاربىر اۋىل ايماقتىڭ تۇرعىندارى تاراپىنان كوتەرىلگەن ەڭ وزەكتى ماسەلەلەر بويىنشا ارىز-شاعىمدارى قابىلداندى. شارا بارىسىنداعى كەزدەسۋلەرمەن بارلىعى 6027 ادام قامتىلىپ, وندا بارلىعى 556 پروبلەمالىق ماسەلە كوتەرىلگەن.
حالىق ورتاسىندا كوتەرىلگەن نەگىزگى پروبلەمالار: اۋىز سۋ, مال ۇرلىعى, جارامسىز جولدار, اۋدان ورتالىعىنا قاتىنايتىن قوعامدىق كولىك, ينتەرنەت, جول بەلگىلەرىن قويۋ, دارىگەرلەردىڭ جەتىسپەۋى, جەدەل جاردەم كولىگىنىڭ بولماۋى جانە تاعى باسقالار.
«زاڭ كەرۋەنى» اكتسياسى كەزىندە قالىپتاسقان بارلىق پروبلەمالىق ماسەلەلەر ءتىزىمى جاساقتالىپ, ءتيىستى جۇمىستار جۇرگىزۋ ءۇشىن وبلىس اكىمدىگىنە جانە ءتيىستى دەپارتامەنتتەرگە حات جولدانىپ, باقىلاۋعا الىندى.
بۇدان بولەك قىزىلوردا وبلىستىق پروكۋراتۋراسىنىڭ باستاماسىمەن «NurOtan» پارتياسى فيليالى جانە كاسىپكەرلەر پالاتاسىمەن بىرلەسىپ «كاسىپكەرگە قىزمەت» اكتسياسى باستالدى.
اتالعان اكتسياعا «دامۋ قورى», «كازاگروفينانس», «اگرارلى نەسيە كورپوراتسياسى», «بايقوڭىر اكك» جانە «اۋىل شارۋاشىلىعىن قارجىلاي قولداۋ قورى» ۇيىمدارىنىڭ وكىلدەرى قاتىسىپ, قارجىلىق قولداۋ تۇرلەرى مەن شارتتارى تۋرالى ءتۇسىندىرۋ جۇمىستارىن جۇرگىزدى.
يگى شاراعا قاتىسقان بارلىق كاسىپكەرلەر نەمەسە وسى باعىتقا قىزىعۋشىلىق تانىتۋشىلار سالا ماماندارىنان وزدەرىن الاڭداتقان ساۋالدار بويىنشا جاۋاپتارىن الىپ, قارجىلاندىرۋ جانە قۇقىقتىق سيپاتتاعى جاعدايلار بويىنشا جان-جاقتى اقپاراتپەن قامتىلدى. اكتسيا بۇگىنگى كۇنگە دەيىن جاڭاقورعان, شيەلى اۋدانىندا وتكىزىلدى الداعى ۋاقىتتا وبلىس پروكۋرورىنىڭ ۇيىمداستىرۋىمەن باسقا اۋدانداردا دا ۇيىمداستىرىلادى.
قىزىلوردا وبلىستىق پروكۋراتۋراسىمەن قىلمىستىڭ الدىن-الۋ, ازاماتتاردىڭ ارىز شاعىمدارىن قاراۋ جۇمىستارى ءتيىستى دەڭگەيدە ورىندالۋدا.