پارلامەنت سەناتىنىڭ دەپۋتاتتارى ايگۋل كاپباروۆا مەن نۇرلان بەكنازاروۆ شىمكەنتكە ىسساپارمەن باردى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
دەپۋتاتتار الدىمەن ازاماتتاردى جەكە ماسەلەلەرىمەن قابىلدادى. قوعامدىق قابىلداۋ بارىسىندا بىرقاتار ازاماتتاردىڭ وزەكتى ماسەلەلەرى تىڭدالدى. باسقوسۋدا نەگىزىنەن جۇمىسپەن جانە باسپانامەن قامتۋ, جەردى ءتيىمدى پايدالانۋ سياقتى الەۋمەتتىك ماسەلەلەر كوتەرىلدى.
سەنات دەپۋتاتتارى ايگۇل قاپباروۆا مەن نۇرلان بەكنازاروۆ قابىلداۋعا كەلگەن ازاماتتاردىڭ ماسەلەلەرىن تىڭداپ, ارىز-شاعىمدى جازباشا قابىلداپ الدى. الداعى ۋاقىتتا كوتەرىلگەن پروبلەمالار زاڭ اياسىندا نازارعا الىنىپ, جۇيەلى جاۋاپ بەرىلەتىن بولادى.
ايتا كەتەيىك, قابىلداۋعا تۇرعىندارمەن قاتار شىمكەنتكە قاراستى اۋدان اكىمدەرى مەن جاۋاپتى سالا ماماندارى جانە باق وكىلدەرى قاتىستى.