ەلەكتروندى ەڭبەك بيرجاسىندا الماتى وبلىسىنداعى بوس جۇمىس ورىندارى جايلى 974 حابارلاندىرۋ جاريالانعان. ياعني, ايماقتىڭ ەڭبەك نارىعى 2 487 ءتۇرلى ماماندىق يەسىنە ءزارۋ بولىپ وتىر.
enbek.kz سايتىنداعى اشىق دەرەككوزدەردەن بەلگىلى بولعانداي, وبلىستا الەۋمەتتىك سالا بويىنشا ماماندارعا سۇرانىس جوعارى. اتاپ ايتقاندا, اۋداندار بويىنشا بەرىلگەن حابارلاندىرۋلاردىڭ ۇلەسى مۇعالىم, ورتا دەڭگەيلى مەديتسينا قىزمەتكەرى, مەيىربيكەلەر مەن مەكتەپتەردەگى جۇمىسشىلارعا قاتىستى بولىپ وتىر. ماسەلەن, تەكەلى قالاسىنداعى «تەكەلى-كومەك» قوعامدىق قورى الەۋمەتتىك قىزمەتكەرگە مۇقتاج بولسا, وسى قالانىڭ اۋرۋحاناسىنا مەيىربيكە اسا قاجەت ەكەن. العاشقى سۇرانىس ءۇشىن قوعامدىق قور 60 000 تەڭگەدەن باستاپ ايلىق جالاقى تولەۋگە دايىن بولسا, ورتا دەڭگەيلى دارىگەر ءۇشىن ۇسىنىلعان ەڭبەكاقى 70 000 تەڭگە دەپ كورسەتىلگەن.
سونداي-اق اۋداندار بويىنشا ءجيى سۇرانىس بەرىلگەن باستاۋىش سىنىپ مۇعالىمى مەن شەت ءتىلى ءپاننىڭ وقىتۋشىسىنىڭ ايلىعى 70 000 تەڭگەدەن باستالادى. ال ەڭبەك ءوتىلىن قاجەت ەتپەيتىن ەدەن جۋشىعا تولەنەتىن جالاقى 42 000 تەڭگە شاماسىندا.