نۇر-سۇلتاندا پروبلەمالى نىسان سانالاتىن «كومفورت De Luxe» تۇرعىن ءۇي كەشەنى قولدانىسقا بەرىلدى. 200-دەن استام استانالىق وتباسىعا پاتەر كىلتى تابىستالدى.
تۇرعىن ءۇي كەشەنىنىڭ اشىلۋىنا نۇر-سۇلتان قالاسى اكىمىنىڭ ورىنباسارى التىنبەك قايساعاليەۆ قاتىستى.
«جاڭا جىل قارساڭىندا كوپتەن بەرى ارمانداپ كۇتكەن پاتەرلەرىڭىزگە قول جەتكىزگەندەرىڭىز ءبىز ءۇشىن ۇلكەن قۋانىش. وسىدان جەتى جىل بۇرىن قۇرىلىسى باستالعان تۇرعىن ءۇي كەشەنىنە 200-دەن استام وتباسى قارجى سالعان. تۇڭعىش پرەزيدەنت – ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ قولداۋىمەن جانە ۇكىمەت باسشىسىنىڭ جەتەكشىلىگىمەن ارنايى قاراجات ءبولىنىپ, سونىڭ ناتيجەسىندە بۇل ءۇيدىڭ قۇرىلىسى اياقتالدى», دەدى ول.
وسىدان كەيىن سالتاناتتى تۇردە تۇرعىن ءۇي كەشەنىنىڭ كىلتى تابىس ەتىلدى. بۇعان قوسا «نۇرلى جەر» باعدارلاماسىنا قاتىسىپ, تۇرعىن ءۇي كەشەنىنىڭ اياقتالۋىنا تىكەلەي سەبەپكەر بولعان كومپانيا باسشىلارىنا قالا اكىمىنىڭ العىس حاتى تابىستالدى. جيىندا ءسوز العان قۇرىلىس كووپەراتيۆىنىڭ باسشىسى گۇلنار قاسىموۆا قالا اكىمىنىڭ قۇرىلىس بارىسىن ءاردايىم باقىلاۋدا ۇستاعانىن اتاپ ءوتتى.
ء«بىز 2012 جىلى «ازبۋكا جيليا» كومپانياسىنا اقشامىزدى سالعاننان كەيىن 2013 جىلى جاڭا ۇيىمىزگە كوشۋىمىز كەرەك بولاتىن. وكىنىشكە قاراي, كومپانيا باسشىلارى ءوز مىندەتتەرىن ورىنداماي, قالتالارىنا اقشا تۇسكەن سوڭ شەتەل اسىپ قاشىپ كەتتى. سودان ەلوردا اكىمدىگىنە شاعىمدانىپ بارعانىمىزدا قالا باسشىلىعى تۇرعىن ءۇي كەشەنىن «وردا ينجينەرينگ» ۇيىمىنا تاپسىردى. بىراق بۇل كومپانيا سوتپەن جەڭىپ العان اكتيۆتەرىمىزدى ساتىپ, قۇرىلىستى اياقتاماي كەتتى. كوپ ۇزاماي مەملەكەت تاراپىنان «نۇرلى جەر» باعدارلاماسى جاريالانىپ, سونىڭ اياسىندا پروبلەمالى ءۇيىمىز «ەلوردا قۇرىلىس كومپانياسىنا» بەكىتىلدى. تەندەر جاريالانىپ, باسپانامىزدى «مەركۋري جانە ك» ۇيىمى اياقتادى. ءبىزدىڭ جاعدايىمىزدى نازاردان تىس قالدىرماعان پرەزيدەنتىمىزگە, نۇر-سۇلتان قالاسىنىڭ اكىمدىگىنە العىسىمىز شەكسىز», دەدى جاڭا باسپانا يەلەرى.
ايتا كەتەيىك, «كومفورت دە ليۋكس» تۇرعىن ءۇي كەشەنى ءوز مىندەتىن تولىق اياقتاماعان قۇرىلىسشىلاردىڭ كەسىرىنەن 2015 جىلى پروبلەمالى تۇرعىن ۇيلەردىڭ قاتارىنا ەنگىزىلگەن بولاتىن. 2018 جىلى نۇر-سۇلتان قالاسى اكىمدىگىنىڭ جانىنداعى تۇرعىن ءۇي قۇرىلىسىنا ۇلەستىك قاتىسۋ ماسەلەلەرى جونىندەگى ۆەدومستۆوارالىق كوميسسيا «نۇرلى جەر» باعدارلاماسى اياسىندا قۇرىلىستى اياقتاۋ ءۇشىن «ەلوردا قۇرىلىس كومپانياسى» جشس ۋاكىلەتتى ۇيىمىنا ۇسىنىلعان. كەشەن 20 قاباتتان تۇرادى.