پرەزيدەنت تاپسىرماسى قالاي ورىندالۋدا؟
«الەۋمەتتىك جاۋاپكەرشىلىك تۇرعىسىنان مەملەكەت نەگىزىنەن ءوز جولىنان ءوتتى, تۇتاستاي العاندا ءوزىنىڭ وسى فۋنكتسياسىن ءتيىمدى ورىندادى. ەندى – كەزەك بيزنەستىكى».
نۇرسۇلتان نازارباەۆ,
قازاقستان رەسپۋبليكاسىنىڭ پرەزيدەنتى.
«وتاۋ سترويدىڭ» ويعا العان وڭدى ىستەرى
بيزنەس جانە قايىرىمدىلىق. بۇل ەكى ءسوزدىڭ اراسىندا قانداي بايلانىس بار ەكەنى بارىنە تۇسىنىكتى عوي دەيمىن. بيزنەس جاساپ, ءىسىڭ وڭعا باستى ما, شاماڭ كەلسە ساۋاپ ءۇشىن جوق-جىتىككە كومەكتەس, قايىرىمدىلىق جاسا. ايتسە دە, قايىرىمدىلىق جاساۋ دا وڭاي تىرلىك ەمەس. قازاقتا «قايىرىمدىلىقتى قارا شاڭىراعىڭنان باستا» دەگەن اتالى ءسوز بار. بۇل الدىمەن ءوزىڭدى, ءوزىڭنىڭ وتباسىڭدى جارىلقا, سوسىن بارىپ وزگەگە كومەكتەس دەگەن ءسوز.
پرەزيدەنت تاپسىرماسى قالاي ورىندالۋدا؟
«الەۋمەتتىك جاۋاپكەرشىلىك تۇرعىسىنان مەملەكەت نەگىزىنەن ءوز جولىنان ءوتتى, تۇتاستاي العاندا ءوزىنىڭ وسى فۋنكتسياسىن ءتيىمدى ورىندادى. ەندى – كەزەك بيزنەستىكى».
نۇرسۇلتان نازارباەۆ,
قازاقستان رەسپۋبليكاسىنىڭ پرەزيدەنتى.
«وتاۋ سترويدىڭ» ويعا العان وڭدى ىستەرى
بيزنەس جانە قايىرىمدىلىق. بۇل ەكى ءسوزدىڭ اراسىندا قانداي بايلانىس بار ەكەنى بارىنە تۇسىنىكتى عوي دەيمىن. بيزنەس جاساپ, ءىسىڭ وڭعا باستى ما, شاماڭ كەلسە ساۋاپ ءۇشىن جوق-جىتىككە كومەكتەس, قايىرىمدىلىق جاسا. ايتسە دە, قايىرىمدىلىق جاساۋ دا وڭاي تىرلىك ەمەس. قازاقتا «قايىرىمدىلىقتى قارا شاڭىراعىڭنان باستا» دەگەن اتالى ءسوز بار. بۇل الدىمەن ءوزىڭدى, ءوزىڭنىڭ وتباسىڭدى جارىلقا, سوسىن بارىپ وزگەگە كومەكتەس دەگەن ءسوز.
جىل سايىن وسى تاقىرىپتا استانادا ۇلكەن جيىن وتەدى. بيىلعى «قازاقستانداعى قايىرىمدىلىق: بيزنەس جانە قايىرىمدىلىق» اتتى ءىV حالىقارالىق كونفەرەنتسيادا «نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك قايىرىمدىلىق ىستەرىمەن ەلدىڭ العىسىنا بولەنگەن كاسىپكەر ازاماتتاردىڭ جاساعان جاقسىلىقتارىن ايتىپ, مەرەيلەرىن ءبىر تاسىتقانى بار. سول جيىننىڭ ساحناسىندا ەكى ادامنىڭ سۋرەتى ءىلۋلى تۇردى. ارينە, ول بەينەلەردىڭ جايدان-جاي ىلىنبەگەنى انىق. ءبىر قىزىعى, ەكى ازاماتتىڭ دا جۇزدەرى بىردەن كوزىمە جىلى ۇشىرادى. ءبىرى – الەمدەگى ەڭ باي جانداردىڭ ءبىرى بولسا دا قاراپايىمدىلىعىمەن, قايىرىمدى ىستەرىمەن تانىمال بولعان ايگىلى بيلل گەيتس بولاتىن. ال, ەكىنشىسى – وڭتۇستىكتە تۋ تىككەن, بىراق بەرەكەلى تىرلىكتەرىنىڭ ارقاسىندا بۇكىل ەلىمىزگە ءمالىم بولعان «وتاۋ ستروي» قۇرىلىس كومپانياسىنىڭ ديرەكتورى الىمقۇل مولداسەيىتوۆ ەدى.
بيلل گەيتس تۋرالى اڭگىمە بولەك. الەم حالقى ونىڭ ءاربىر باسقان قادامىن, ءاربىر ءىسىن, ەلگە جاساعان جومارتتىعىن جاقسى بىلەدى. ال, الىمقۇل مولداسەيىتوۆ قايدان ءجۇر؟ شىنىن ايتۋ كەرەك, العاشىندا «مىنا سۋرەتتەگى ادام ءدال سونىڭ ءوزى مە, مۇمكىن قاتەلەسىپ ءىلىنىپ كەتكەن شىعار» دەگەن دە ويىم بولعان. بىراق, عالامتوردى اقتارىپ, «وتاۋ ستروي» تۋرالى كوپتەگەن اقپاراتتاردى وقىعاننان كەيىن سۋرەتتەگى ءجۇزى جىلى ازاماتتىڭ الىمقۇلدىڭ ناق ءوزى ەكەنىنە, سونداي-اق ونىڭ وسى جيىننىڭ تورىندە تۇرۋعا ناعىز لايىق كاسىپكەر ەكەنىنە كوزىم جەتتى. الىمقۇلدىڭ ەسىمىن العاش رەت جازۋشى مارحابات بايعۇت اعامىزدىڭ اۋزىنان ەستىگەنمىن. بىلتىر قالامگەر اعامىزدىڭ «جوعالعان جۇرناق» اتتى شىعارماسى وبلىستىق دراما تەاترىندا قويىلدى. جەلتوقسان وقيعاسىنىڭ ادامداردىڭ جۇرەگىنە سالعان زاردابىن وتە نازىك تە شەبەر جەتكىزە بىلگەن وسى قويىلىم سوڭىندا ءسوز العان مارحابات اعا «جۇرناقتىڭ» ساحنا تورىنە شىعۋىنا دەمەۋشىلىك جاساعان الىمقۇل مولداسەيىتوۆتىڭ ەڭبەگىن اتاپ كورسەتىپ, العىسىن بىلدىرگەن-ءدى. سول ج