28 شىلدە كۇنى فرانتسيانىڭ كاننى قالاسى «كارلتون» مەيمانحاناسىندا ءوتىپ جاتقان زەرگەرلىك بۇيىمدار كورمەسىنە بەلگىسىز بىرەۋ تاپانشامەن كىرىپ بارىپ, باعاسى 136 ملن. دوللار قۇرايتىن باعالى اشەكەيلەردى الىپ كەتكەن. بۇل تۋرالى «Lifenews.ru» حابارلادى.
بۇدان بۇرىن ۇرلانعان باعالى بۇيىمدار 53 ملن. دوللارعا باعالانعان بولاتىن. ال دەرەكتەر ناقتىلانعان سوڭ, بۇل وقيعا زەرگەرلىك دۇكەندەردىڭ تونالۋ تاريحىنداعى ەڭ اۋقىمدىسى سانالىپ وتىر.
«ءبىز شۇعىل تۇردە قىلمىسكەردى انىقتاۋ مەن قۇرىقتاۋ شاراسىن باستاپ كەتتىك. جاقىن ارادا ۇرلانعان زاتتار ورنىنا قايتارىلادى», – دەپ مالىمدەدى كاننى پوليتسياسىنىڭ وكىلى.
ايدار ورىسباەۆ.