قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ لاتىن الىپبيىنە كوشۋ ۋاقىت تالابى ەكەنىن ايتقان بولاتىن. شىنىندا دا بۇل باستامانىڭ ۇلتتىڭ رۋحاني ومىرىندە دە ەلەۋلى قۇبىلىس بولعانى راس. بۇل ورايدا بىلىكتى عالىمدار باستامانىڭ جۇزەگە اسۋىنا وزىندىك ۇلەسىن دە قوسىپ كەلەدى. لاتىن ءالىپبيىنىڭ ماڭىزدىلىعىنا ارناپ جامبىل وبلىستىق تىلدەردى دامىتۋ باسقارماسى مەن م.ح.دۋلاتي اتىنداعى تاراز مەملەكەتتىك ۋنيۆەرسيتەتى «لاتىن گرافيكاسى: تۇركىلىك تۇتاستىق جانە جاھاندىق اقپاراتتىق كەڭىستىك» تاقىرىبىندا حالىقارالىق عىلىمي-تاجىريبەلىك كونفەرەنتسيا ۇيىمداستىردى.
كونفەرەنتسيا جۇمىسىنا وتاندىق جانە شەتەلدىك عالىمدار قاتىستى. اتاپ ايتقاندا, ازەربايجان رەسپۋبليكاسى باكۋ مەملەكەتتىك ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى ف.اگاەۆا, وزبەكستان مەملەكەتتىك ۋنيۆەرسيتەتى جانە اجينياز اتىنداعى نۇكىس مەملەكەتتىك پەداگوگيكالىق ينستيتۋتىنىڭ دوتسەنتى, فيلولوگيا عىلىمدارىنىڭ كانديداتى ا.پيرنيازوۆا, تۇركيا مەملەكەتى حاسەتتەپە ۋنيۆەرسيتەتىنىڭ پروفەسسورى, PhD دوكتورى حاليل چەتين, م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى «ابايتانۋ» عىلىمي-زەرتتەۋ ورتالىعىنىڭ ديرەكتورى, فيلولوگيا عىلىمدارىنىڭ كانديداتى, دوتسەنت ا.قالشابەكوۆ, م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى م.كوپباەۆا بايانداما جاساپ, لاتىن گرافيكاسىنا نەگىزدەلگەن ءالىپبي مەن ەملە ەرەجەلەردىڭ لينگۆيستيكالىق اسپەكتىلەرى, تۇركى رۋحانياتى مەن جاڭا قازاق الىپبيىنە قاتىستى وزەكتى ماسەلەلەردى تالقىلادى. لاتىن ءالىپبيىنىڭ تۇركى دۇنيەتانىمىندا الاتىن ورنىنا توقتالىپ, بۇل باستامانىڭ قازاق ۇلتىنىڭ ساياسي-رۋحاني ومىرىندە دە ماڭىزدى ەكەنىن جەتكىزدى.