بۇگىن جامبىل وبلىسىنىڭ 80 جىلدىعىنا ارنالعان شارالار تاراز قالاسىنداعى «بالاساعۇن» ورتالىق كونتسەرت زالىنىڭ الدىندا بوي كوتەرگەن كەنەن ازىرباەۆ ەسكەرتكىشىنىڭ اشىلۋ سالتاناتىمەن جالعاستى.
ەسكەرتكىشتى اتاقتى كۇيشى ءابدىمومىن جەلدىباەۆ, جامبىل وبلىسىنىڭ قۇرمەتتى ازاماتى تولە سۇگىرباەۆ جانە كەنەن اقىننىڭ ۇرپاعى مۇرات كەنەنوۆ سالتاناتتى جاعدايدا اشتى.
بۇدان كەيىن ەسكەرتكىشكە قازاقستان رەسپۋبليكاسىنىڭ مادەنيەت جانە سپورت ءمينيسترىنىڭ گۇل شوعىن مينيستر اقتوتى رايىمقۇلوۆا مەن جامبىل وبلىسىنىڭ اكىمى اسقار مىرزاحمەتوۆ قويدى. ال زيالى قاۋىم اتىنان گۇل شوقتارىن ءابدىمومىن جەلدىباەۆ پەن تولە سۇگىرباەۆ قويدى. شارا بارىسىندا كەنەن ازىرباەۆتىڭ اندەرى ورىندالدى.