العاشقى دوپتى نۇربول سوقتى

وتكەن اپتادا فۋتبولدان قازاقستان پرەمەر-ليگاسىنىڭ ون توعىزىنشى ماۋسىمى جالاۋىن كوتەردى. بيىلعى ماۋسىمعا وتكەن جىل­دا­ع­ىداي 12 كوماندا قاتىساتىن بولادى. ولار – “اقتوبە”, “لو­كو­موتيۆ” (استانا), “شاحتەر” (قا­را­عاندى), “توبىل” (قوستاناي), “جە­تىسۋ” (تالدىقورعان), “ات­ىراۋ”, “ورداباسى” (شىم­كەنت), “تاراز”, “ەرتىس” (پاۆلودار), “قاي­رات” (الماتى), “وقجەتپەس” (كوك­شەتاۋ) جانە “اقجايىق” (ورال). العاشقى تۋردا مىنا كو­ماندالار كەزدەستى. استانادا پرە­مەر-ليگاعا ورالعان الماتىنىڭ “قايرات” كومانداسىمەن كەزدەسكەن “لوكوموتيۆ” تەڭ وينادى. ەسەپ – 0:0. پرەمەر-ليگاعا جولداما العان تاعى ءبىر كوماندا “اقجايىق” ءوز الاڭىندا “ەرتىسپەن” ويناپ, 1:4 ەسەبىمەن جەڭىلۋگە ءماجبۇر بولدى. ال قوستانايدىڭ ورتالىق ستاديونىندا وتكەن ماۋسىماشار ماتچتا جەرگىلىكتى “توبىل” “تاراز” كومانداسىمەن كەزدەسىپ, 1:0 ەسەبىمەن جەڭىسكە جەتتى. بۇل ماتچتا بيىلعى ماۋسىمنىڭ العاشقى دوبىن نۇربول جۇماسقاليەۆ سوقتى. شىمكەنتتە كوكشەتاۋدىڭ “وقجەتپەس” كومانداسىن قابىلداعان “ورداباسى” ولارمەن تەڭ تارقاستى. ەسەپ – 1:1. ال وسى تۋردا كەزدەسۋلەرى جوسپارلانعان “جەتىسۋ” – “شاحتەر”, “اقتوبە” – “اتىراۋ” ويىندارى اۋا را­يىنىڭ قولايسىزدىعىنا بايلا­نىستى كەيىنگە قالدىرىلدى. كەلەسى تۋردىڭ كەزدەسۋلەرى ەرتەڭ وتەدى. بالۋاننىڭ جۇلدەسى الماتىدا گرەك-ريم كۇرەسىنەن كسرو-نىڭ ەڭبەك سىڭىرگەن سپورت شەبەرى, كەڭەس وداعىنىڭ 7 دۇركىن چەمپيونى, الەم جانە ەۋروپا چەمپيونى, سەۋل جانە اتلانتا وليمپياداسىنىڭ جۇلدەگەرى, داڭقتى بالۋان داۋلەت تۇرلىحانوۆتىڭ جۇلدەسى ءۇشىن رەسپۋبليكالىق تۋرنير ءوتتى. ەكى كۇنگە سوزىلعان تۋرنير 10 سالماق دارەجەسى بويىنشا ءوتىپ, وندا مىنا بالۋاندار جەڭىمپاز اتاندى. ەڭ جەڭىل, ياعني 42 كيلودا ايبەك ماردانوۆ (بقو), 46 كيلودا مەيرامبەك ايناعۇلوۆ (اقتوبە) جەڭىسكە جەتسە, كەلەسى 50 كيلو سالماقتا كۇش سىناسقان 22 بالۋاننىڭ اراسىندا جامبىل وبلىسىنىڭ وكىلى ابىلاي مەدەۋوۆتىڭ باعى جاندى. ودان كەيىن بولعان سىنداردا الما­تىنىڭ “داۋلەت” سپورت مەك­تە­بىنىڭ شاكىرتى ماقسات ايتپەكوۆ (54 كگ), جاسۇلان ومىرزاقوۆ (58 كگ), داۋلەت باتىربەكوۆ (63 كگ, ەكەۋى دە وقو), ءابۋناسىر ءومىر­زاق (69 كگ, جامبىل وبلىسى), راشيد كاچيەۆ (76 كگ, وقو), ابزال مارات ۇلى (85 كگ, الماتى) جانە 100 كيلودان استام سالماقتا ازات شاۋكىروۆ (سقو) جەڭىمپاز اتاندى. ەندى ءتۋرنيردىڭ العاشقى كۇنى 42, 50, 58, 69, 85 كيلو سالماق دارەجەلەرىندە باس جۇلدەنى العان بالۋاندار تاشكەنتتە وتەتىن لي­تسەنزيالىق جارىسقا قاتىسادى. ءتۋرنيردىڭ سوڭىندا جە­ڭىم­پاز­دار مەن جۇلدەگەرلەر ارنايى ماقتاۋ قاعازدارىمەن بىرگە باعالى سىي­لىقتارمەن ماراپاتتالدى. سول كەزدە داۋلەت بولات ۇلى الماتى وبلىسى, اقسۋ اۋدانى, قىزىلاعاش اۋدانىندا بولعان سۋ تاسقىنىنان زارداپ شەككەندەرگە 3 ملن. تەڭگە كو­لەمىندە قارجىلاي كومەك كورسەتەتىنىن ايتتى. داستان كەنجالين.