اتىراۋ قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى بيبارىس عيلاج ەرىكتىلەردىڭ قىزمەتىنە ارنالعان جاڭا موبيلدىك قوسىمشانى جاساپ شىعاردى. ول «شاڭىراق» ۇيالى باعدارلاماسىنا قايىرىمدىلىق پەن الەۋمەتتىك جوبالاردى جۇزەگە اسىراتىن ەرىكتىلەر ءۇشىن كەرەك دەرەكتەردى جيناعان.
ءموبيلدى قوسىمشانى قولدانۋشىلار ءبىر-بىرىمەن تۇراقتى حابارلاسۋعا جانە دەرەكتەر الماسۋعا مۇمكىندىگى بار. مۇندا كادىمگى الەۋمەتتىك جەلى سياقتى تىركەلۋشىلەر جەكە پروفيلدىك-اككاۋنت اشادى جانە قوسىمشاداعى باسقا دا قولدانۋشىلاردى قاۋىمداستىقتارعا ەنگىزە الادى.
«مەملەكەت باسشىسى قاسىم-جومارت توقاەۆتىڭ جارلىعىمەن كەلەسى جىل ەلىمىزدە ەرىكتىلەر جىلى دەپ بەلگىلەندى. مەنىڭ بىلۋىمشە قازىرگى اقپاراتتىق كەڭىستىكتە بارلىق قازاقستاندىق ەرىكتىلەردىڭ باسىن قوساتىن جانە ولار تۋرالى رەسمي مالىمەت بەرەتىن دەرەكتەر قورى جوق. بۇل ءموبيلدى قوسىمشا ارقىلى مەن وسىنداي پروبلەمالاردى شەشۋدىڭ جولىن ىزدەدىم. «شاڭىراق» ۇيالى باعدارلاماسىندا جەرگىلىكتى جانە باسقا دا ايماقتاعى ەرىكتىلەر تۋرالى اقپاراتتار, ولاردىڭ وتكىزەتىن شارالارى تۋرالى حابارلامالار جاريالانىپ تۇرادى. جوبانىڭ بالاماسى رەتىندە تانىمال الەۋمەتتىك جەلىلەردى دە ايتۋعا بولادى. بىراق ولاردى پايدالانۋداعى قاۋىپسىزدىك ەرەجەلەرى بارلىق كەزدە ساقتالا بەرمەيدى. ال مەن دايىنداعان ءموبيلدى قوسىمشا بەلگىلى قاۋىپتەردى الدىن-الۋعا جانە جاسىرىن دەرەكتەردىڭ تارالماۋىنا سەپتىگىن تيگىزبەك. قوسىمشادا تەك ءاربىر ادامعا قاجەت فۋنكتسيالار قولجەتىمدى بولادى. مۇندا قاجەتسىز جارنامالار مەن سپام ەسكەرتۋلەر بولمايدى», - دەيدى بيبارىس.
ءموبيلدى قوسىمشا Android Studio نەگىزىندە Java كومەگىمەن جۇمىس ىستەيدى. جاقىن ارادا ۇيالى تەلەفوندارعا ارنالعان كومەكشى قۇرال Play-market-تە قولجەتىمدى بولماق. جاس ونەرتاپقىشتىڭ بۇل جۇمىسىن قازىلار القاسى مەكتەپشىلىك جانە رەسپۋبليكالىق كەزەڭدەردەگى عىلىمي-جوبالار سايىسىندا جوعارى باعالاعان. سونىڭ ءبىرى قىركۇيەكتە وتكەن قازاقستان جاستارى كونگرەسىنىڭ يننوۆاتسيالىق جوبالار بايقاۋى.
«ەندى اۆتورلىق تۋىندىعا پانتەنت الۋ جانە ونى كەڭ كولەمدى قولدانىسقا ەنگىزۋ قالدى», - دەيدى بيبارىس عيلاج. ونىڭ ايتۋىنشا, بولاشاقتا بۇل ءموبيلدى قوسىمشا ەرىكتىلەردىڭ جۇمىسىن ەداۋىر جەڭىلدەتەدى. ولاردىڭ ناتيجەلى جۇمىسىن جان-جاقتى كورسەتۋگە, بەلسەندىلەر مەن جاڭا قولدانۋشىلاردى انىقتاۋعا مۇمكىندىك بەرمەك.
نازارباەۆ زياتكەرلىك مەكتەبىنىڭ بولاشاق تۇلەگى بيبارىس عيلاج باعدارلامالاۋ كۋرسىمەن بىرنەشە جىلدان بەرى اينالىسادى. ول ءتۇرلى وبلىستىق جانە رەسپۋبليكالىق IT تەحنولوگيالار مەن روبوتوتەحنيكا سايىستارىنىڭ جۇلدەگەرى. اعىمداعى جىلى اقش-ڭ ستەنفورد ۋنيۆەرسيتەتىندە باعدارلامالاۋ, كوشباسشىلىق جانە الەۋمەتتىك عىلىمدار كۋرسىن ءساتتى ءتامامداپ شىققان,-دەپ حابارلادى زياتكەرلىك مەكتەپتىڭ ءباسپاسوز قىزمەتى.
اتىراۋ