ءبىلىم بەرۋ قىزمەتكەرلەرىنىڭ ۇيعىر اۋداندىق “قامقور” كاسىپتىك بىرلەستىگى قازاقستان رەسپۋبليكاسىنىڭ پرەزيدەنتى ن.نازارباەۆتىڭ “جاڭا ونجىلدىق – قازاقستاننىڭ جاڭا ەكونوميكالىق ورلەۋى – جاڭا مۇمكىندىكتەرى” اتتى جولداۋىن اسا قۋانىشپەن قارسى الدى. ويتكەنى, ەلباسىنىڭ 2020 جىلعا دەيىنگى دامۋدىڭ ستراتەگيالىق باعدارلاماسى كوپشىلىكتىڭ كوڭىلىنەن شىعىپ وتىر. جولداۋدا ەكونوميكالىق جانە الەۋمەتتىك ماسەلەلەر ناقتىلانعان. سونىمەن قاتار, “بالاپان” باعدارلاماسىن جۇزەگە اسىرۋعا قاتىستى ناقتى تاپسىرمالار بەرىلگەن. وندا مەكتەپكە دەيىنگى مەكەمەلەر ماسەلەلەرى تۇگەلىمەن شەشىمىن تابۋ كەرەك دەلىنگەن. بيىلعى جىلدىڭ ءساۋىر ايىنان باستاپ, بيۋدجەت سالاسى قىزمەتكەرلەرىنىڭ جالاقىسى 25 پايىزعا كوتەرىلەدى. بۇل ۇلاعاتتى ۇستازدار ءۇشىن ۇلكەن قۋانىش. التى الاشتىڭ بالاسى قوسىلسا, ەڭ قۇرمەتتى ورىن ۇستازعا تيەتىنى ءسوزسىز. “ادامعا ەڭ ءبىرىنشى ءبىلىم ەمەس, رۋحاني تاربيە بەرىلۋى كەرەك, تاربيەسىز بەرىلگەن ءبىلىم – ادامزاتتىڭ قاس جاۋى, ول كەلەشەكتە ونىڭ ومىرىنە اپات اكەلەدى”, – دەپ ءال-فارابي ايتقانداي, بولاشاعىمىزدىڭ ءبىلىمدار بولۋى – ۇلتتىق رۋحاني ءتالىم-تاربيە بەرە بىلۋىمىزدە جاتىر. وسى سالادا ەرىنبەي ەڭبەك ەتىپ كەلە جاتقان ۇستازداردىڭ ەرەن ەڭبەكتەرىن ەلباسى ەلەپ-ەسكەرىپ وتىر.
تاۋەلسىز ەلدىڭ تۇتقاسى رۋحاني تاربيەدەن باستاۋ الىپ, بىلىممەن قارۋلانعان, دەنساۋلىعى مىقتى ۇرپاقتىڭ قولىندا بولسا, ول بابالار ارمانى ورىندالعانى ەمەس پە؟ كەلەلى كەلەشەك ءۇشىن بىلەگىن سىبانعان سانالى ازاماتتاردىڭ سارابدال ىستەرىن ەرتەڭگى ۇرپاق سارالاي جاتار. الايدا, وسى تۇستا كەتكەن كەمشىلىكتەرىمىز دە جوق ەمەستىگىن جاسىرا المايمىز. “اۋرۋىن جاسىرعان ادام ولەدى” دەمەكشى, ەلباسى ءبىلىم سالاسىن قاتتى سىنعا العانى بەلگىلى. ەندەشە, ءبىلىم ساپاسىن جاقسارتاتىن, اركىم ءوز ءىسىن ادال اتقارىپ, جاۋاپكەرشىلىكپەن قارايتىن بولسا, اتالمىش ماسەلەلەردىڭ جۇگى جەڭىل بولماق. “جۇمىلا كوتەرگەن – جۇك جەڭىل” دەپ بەكەر ايتپاعان عوي.
كارىباي قوجاعۇلوۆ, ۇيعىر اۋداندىق ءماسليحاتىنىڭ دەپۋتاتى, “قامقور” بىرلەستىگىنىڭ توراعاسى.
الماتى وبلىسى.