قازاقستان رەسپۋبليكاسى پارلامەنتى سەناتىنىڭ دەپۋتاتى دانا نۇرجىگىت رەيكياۆيكتە «Women Political Leaders» قورى, يسلانديا ۇكىمەتى مەن پارلامەنتى ۇيىمداستىرعان كوشباسشى ايەلدەردىڭ جاھاندىق فورۋمىنا قاتىستى. بۇل تۋرالى سەناتتىڭ ءباسپاسوز قىزمەتى حابارلادى.
فورۋمعا الەمنىڭ تۇكپىر-تۇكپىرىنەن ساياسي, بيزنەس, اكادەميالىق قاۋىمدار مەن ۇكىمەتتىك ەمەس ۇيىمداردىڭ, سونداي-اق UN Women ۇيىمىنان بارلىعى 500-گە جۋىق وكىلدەر قاتىستى.
فورۋمنىڭ نەگىزگى ماقساتى ەڭ ۇزدىك تاجىريبەلەردى الماسۋ, كۇن تارتىبىندەگى گەندەرلىك ماسەلەلەردى, ونىڭ ىشىندە ساياسي شەشىمدەر قابىلداۋداعى, جانجالداردى بولدىرماۋ جانە رەتتەۋدەگى ايەلدەردىڭ ءرولىن ىلگەرىلەتۋ جانە باسقا دا ماسەلەلەر بولىپ تابىلادى.
شارا اياسىندا د.نۇرجىگىت التينگ (يسلانديا پارلامەنتىنىڭ) توراعاسى ستەينگريمۋر سيگفۋسسونمەن جانە باسقا ەلدەر پارلامەنتتەرىنىڭ وكىلدەرىمەن كەزدەستى.
كوشباسشى ايەلدەردىڭ جاھاندىق فورۋمى 2017 جىلدان بەرى جىل سايىن الەمدەگى ەڭ سولتۇستىك استانا - رەيكياۆيكادا ءوتىپ كەلەدى.