پارلامەنت سەناتىنىڭ توراعاسى داريعا نازارباەۆا باستاعان قازاقستان رەسپۋبليكاسى پارلامەنتى سەناتىنىڭ دەلەگاتسياسى ارمەنيا رەسپۋبليكاسى ۇلتتىق جينالىسىنىڭ توراعاسى ارارات ميرزوياننىڭ شاقىرۋىمەن ارمەنيا رەسپۋبليكاسىنا رەسمي ساپارمەن باردى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
«قازاقستان پارلامەنتى سەناتى توراعاسىنىڭ ساپارى باعدارلاماسىندا ارمەنيا رەسپۋبليكاسى ۇلتتىق جينالىسىنىڭ توراعاسى ارارات ميرزويانمەن, پرەمەر-مينيستر نيكول پاشينيانمەن جانە پرەزيدەنت ارمەن ساركيسيانمەن كەزدەسۋلەرى بار.
جۇزدەسۋلەردە قازاقستان مەن ارمەنيا اراسىنداعى ەكىجاقتى ىنتىماقتاستىق ماسەلەلەرىن, سونداي-اق پارلامەنتارالىق قاتىناستاردى دامىتۋدىڭ كەلەشەگىن تالقىلاۋ جوسپارلانىپ وتىر», دەلىنگەن حابارلامادا.