مۇنداي فاكتىلەر قىزىلجار اۋدانىندا ءجيى ورىن العان.
شاحوۆسكوە اۋىلىندا تۇراتىن از قامتىلعان بىرقاتار وتباسىلار قاجەتتى قۇجاتتاردى راسىمدەگەنىنە قاراماستان ءالى كۇنگە دەيىن اتاۋلى الەۋمەتتىك كومەكتى الماعان.
«6 بالا تاربيەلەپ وتىرمىن ولاردىڭ 5-ەۋى كىشكەنتاي بولعاندىقتان, جۇمىس ىستەۋگە مۇمكىندىگىم جوق. كۇيەۋىمنىڭ جالاقىسى ماردىمسىز. شىلدە ايىندا ء وتىشىمىز ماقۇلدانعان. الايدا, مەملەكەتتەن بەرىلەتىن جاردەماقى قولىمىزعا تولىق تيگەن جوق.تەك تامىز ايىندا 20 مىڭ تەڭگە عانا بەرىلدى. ااك-ءتىڭ كەشىكتىرىلۋ سەبەبەبىن سۇراعانىمىزدا بيۋدجەتتە قارجى تاپشى دەگەن جاۋاپ الدىق», دەيدى گۇلنار جانسەيىتوۆا. وسى ەلدى مەكەننىڭ وزگە دە تۇرعىندارى وسىنداي تىعىرىققا كەزىككەن.
قىزىلجار اۋداندىق اكىمدىگى ماماندارىنىڭ تۇسىندىرۋىنشە جىلدىڭ باسىندا الەۋمەتتىك كومەككە 128 وتباسى جۇگىنگەن. ال ءبىرىنشى ساۋىردەن باستاپ مەملەكەتتىك قولداۋعا ءۇمىت ارتقانداردىڭ سانى ءۇش ەسەگە دەيىن ارتقان. ياعني, جاردەماقىعا مۇقتاج وتباسىلاردىڭ قاتارى 379-عا جەتكەن. وسى سەبەپتى جەرگىلىكتى قازىنادا قاراجات جەتىسپەۋشىلىگى پايدا بولعان.
اۋداندىق جۇمىسپەن قامتۋ جانە الەۋمەتتىك باعدارلامالار ءبولىمى باسشىسىنىڭ ورىنباسارى ءلاززات قاسەنوۆانىڭ ايتۋىنا قاراعاندا قوسىمشا 60 ملن. تەڭگە بولۋگە ءوتىنىش بەرىلگەن. ء سويتىپ ۇلتتىق قوردان 11 ملن. باعىتتالىپ, تامىز ايىنىڭ بەرەشەك وتەلگەن. رەسپۋبليكالىق بيۋدجەتتەن قالعان ءتيىستى قارجى اۋدارىلسا, ماسەلە شەشىلەدى.
اۋداندا باستاپقىدا اتاۋلى الەۋمەتتىك كومەكتى 400 وتباسى العان. الايدا, تەكسەرىستىڭ ناتيجەسىندە 263 وتباسى عانا جاردەماقىعا مۇقتاج ەكەندىگى انىقتالعان.
سولتۇستىك قازاقستان وبلىسى