سويلەۋ پروتسەسسورلارى يەلەرىنە قايتارىلادى

2007 جىلدان باستاپ قازاق­ستاندا ەستۋ قابىلەتى اۋىر تۇردە بۇزىلعان (ساڭىراۋ) 2 مىڭعا جۋىق ازامات مەملەكەتتىك بيۋدجەت ەسەبىنەن كوحلەارلىق يمپلان­تا­تسيا تاسىلىمەن وپەراتسيا­دان ءوتتى. بۇگىندە بۇل وسى ساناتتاعى ادامداردى وڭالتۋدىڭ جالعىز ءتيىمدى ءادىسى.

كوحلەارلىق يمپلانتتارى بار بالالاردى ۋاقتىلى تەحنيكالىق قولداۋ ماقساتىندا 2015 جىلدان باستاپ مەملەكەت سويلەۋ پروتسەسسورلارىن اۋىستىرۋ قىزمەتىن ەنگىزدى, 2017 جىلدان باستاپ بۇل قىزمەت كوحلەارلىق يمپلانتتارى بار ەرەسەك ازاماتتارعا دا ۇسىنىلادى.

2015 جىلدان باستاپ 2018 جىلعا دەيىن كوحلەارلىق يمپلانتتارى بار 934 ادامعا, ونىڭ ىشىندە 796-سىن بالالارعا, جالپى سوماسى 3,1 ملرد تەڭگەگە سويلەۋ پروتسەسسورلارىن اۋىستىرۋ قىزمەتى كورسەتىلدى.

رەزەرۆتىك قور قۇرۋ ماق­ساتىندا 2016 جىلدان باستاپ مۇگە­دەكتەرگە پروتەزدىك-ورتوپە­ديا­لىق كومەكپەن جانە تەح­نيكا­لىق كومەكشى (كومپەن­ساتورلىق) قۇرالدارمەن قامتاماسىز ەتۋ ەرەجەلەرىنە سايكەس 2015 جىلدان باستاپ پايدالانىلعان سويلەۋ پروتسەسسورلارى قايتارىلدى.

سويلەۋ پروتسەسسورلارى قۇ­رىلعى جوعالعان, بۇزىلعان, ۇرلانعان جاعدايدا, جاڭاسىنا, اۋىستىرىلعانعا نەمەسە جوندەل­گەنگە دەيىن مەرزىمىنەن بۇرىن رەزەرۆتىك قوردان شىعارىلدى.

ماسەلەن, اعىمداعى جىلدىڭ باسىنان بەرى رەزەرۆتىك قوردان 82 قولدانىلعان سويلەۋ پروتسەسسورى بەرىلدى. جالپى, ولاردى 2016 جىلدان باستاپ 2019 جىلدىڭ قازان ايىنا دەيىن رەزەرۆتىك قور­دان تەگىن الۋ قۇقىعىن كوح­لەارلىق يمپلانتتارى بار 199 مۇگەدەك پايدالاندى.

الايدا, مۇگەدەكتىگى بار ادام­داردىڭ ايتۋىنشا, كەي­بىر جاعدايلاردا جوعارىدا كور­سەتىلگەن نورمانىڭ ارەكەتى ەستۋ-سويلەۋ وڭالتۋىن ۇزۋگە اكەپ سوقتى, سەبەبى ولارعا رەزەرۆتىك قوردان تەحنيكالىق قۇرالدى الۋ ءۇشىن الماتىعا بارۋعا تۋرا كەلدى. قولدانىستاعى نورمانىڭ كۇشىن جويۋ ەستۋ قابىلەتى بويىنشا مۇگەدەكتەرگە جاڭا سويلەۋ پروتسەسسورىن العان كەزدە ەسكى­لەرىن وزدەرىندە قالدىرۋعا, سول ارقىلى وڭالتۋ پروتسەسىن ۇزبەۋگە مۇمكىندىك بەرەدى.