iKOMEK 109 ەلوردا تۇرعىندارىن سمس-حابارلاندىرۋ بويىنشا جاڭا سەرۆيستى ىسكە قوستى. نۇر-سۇلتان قالاسى اكىمدىگىنىڭ iKOMEK 109 «قالالىق مونيتورينگ جانە جەدەل ارەكەت ەتۋ ورتالىعىنىڭ» PR-قىزمەتىنىڭ حابارلاۋىنشا, اتالعان ورتالىق ەلوردا تۇرعىندارىمەن جانە قوناقتارىمەن كەرى بايلانىس سەرۆيسىن جاقسارتۋ ماقساتىندا بىرىڭعاي بايلانىس ورتالىعىنا 109 قىسقا ءنومىرى ارقىلى بەرىلگەن وتىنىشتەر بويىنشا سمس-حابارلاندىرۋ قىزمەتىن ىسكە قوسادى.
بۇل سمس-حابارلاندىرۋلار تۇرعىنداردى وتىنىشتەردىڭ ورىندالۋ دارەجەسى تۋرالى ۋاقىتىلى حاباردار ەتۋگە مۇمكىندىك بەرەدى. ءوتىنىشتىڭ اتقارىلۋ دارەجەسىن ەگجەي-تەگجەيلى قاراۋ ءۇشىن قالانىڭ iKOMEK.city پورتالىنا ءوتۋ قاجەت. ءوتىنىش شەشىمىمەن تانىسقاننان كەيىن تۇرعىنعا پىكىر قالدىرىپ, ورىندالعان جۇمىستار ساپاسىن باعالاۋ ۇسىنىلادى.
سونىمەن قاتار ءاربىر وتىنىشكە كىرۋ كودى كەلەدى, ول ۋاقىت وتە كەلە ءوتىنىشتىڭ ورىندالۋ دارەجەسىن قايتا قاراۋعا مۇمكىندىك بەرەدى. بۇل ءۇشىن پورتال ارقىلى ءوتىنىشتىڭ SD مەن كىرۋ كودىن ەنگىزىپ, اتقارىلۋ دارەجەسىن تەكسەرۋ قاجەت. وسى جاڭاشىلدىق 109 قىسقا نومىرىنە ۇيالى تەلەفوننان قوڭىراۋ شالۋ ارقىلى ءوتىنىش بەرۋدى ءجون كورەتىن تۇرعىندارعا ءوتىنىش بويىنشا شەشىممەن ونلاين رەجىمدە تانىسۋعا مۇمكىندىك ۇسىنادى.
ەستەرىڭىزگە سالا كەتەيىك, ءوتىنىشتى بالاما كوزدەر (WhatsApp جانە Telegram چات-بوتتارى, iKOMEK 109 ءموبيلدى قوسىمشاسى نەمەسە ەلوردا اكىمدىگىنىڭ سايتى) ارقىلى بەرگەن جاعدايدا ءوتىنىشتىڭ ورىندالۋ دارەجەسى تۋرالى حابارلاندىرۋلاردى تۇرعىندار اۆتوماتتى تۇردە الادى.