ناۆيگاتسيالىق پلومبالاردىڭ كومەگىمەن ترانزيتتىك ەكى زاڭ بۇزۋشىلىق انىقتالدى

قىرعىزستاندىق تاسىمالداۋشىلار ىلەسپە قۇجاتتاردا رەسەي فەدەراتسياسىن سوڭعى پۋنكت رەتىندە كورسەتكەن. الايدا, تاۋار (جاڭا پىسكەن المۇرت جانە الما) نۇر-سۇلتان جانە قاراعاندى قالالارىنىڭ بازارلارىنان تابىلدى. ەكى جاعدايدا دا جونەلتۋشى ءبىر زاڭدى تۇلعا ەكەن.

ءبىرىنشى جاعداي نۇر-سۇلتان قالاسىنداعى «شارىن» بازارىندا تىركەلدى. ناۆيگاتسيالىق پلومبا تاۋاردىڭ باعىتتان اۋىتقۋى تۋرالى سيگنال بەرگەن. جۇك تيەلگەن فۋرا ەكى كۇن بويى قوزعالىسسىز تۇرعان ەكەن. بۇل تۋرالى ديسپەتچەرلەر مكك ەكسپورتتىق باقىلاۋ باسقارماسى قىزمەتكەرلەرىنە حابارلادى. كەيىنىرەك كولىك بازارعا 2019 ج. 31 قازان كۇنى كەلگەنى انىقتالدى.

2019 جىلى 3 قاراشادا بازار اۋماعىندا ترانزيتتىك جۇكتى ساتۋ فاكتىسى تىركەلدى.ناۆيگاتسيالىق پلومبانىڭ ارقانى كەسىلىپ, تىركەمەنىڭ ەسىگى اشىلعان. شەكارادان وتكەندە جۇك كولىگىندە 19,3 توننا جەمىس بولعان. ەلوردانىڭ بازارىندا ونىڭ 10 توننادان استامى ساتىلىپ ۇلگەرگەن.

تۇسىنىكتەمەدە جۇرگىزۋشى مارشرۋت بويىمەن كولىك جانە رەفرەجەراتور بىرنەشە رەت ىستەن شىققانىن ايتتى. بۇل تۋرالى ول تاۋار يەسىنە حابارلاعان. ءوز كەزەگىندە ول استانالىق بازارعا شىعىپ, تاۋاردى ساتۋدى ۇسىنعان. قازىرگى ۋاقىتتا قاراعاندىدان كەلە جاتقان تاۋار يەسى نۇر-سۇلتان قالاسىنىڭ بايقوڭىر اۋدانى بويىنشا مكب-نا تۇسىنىكتەمە بەرىپ, ققس سوماسىن تولەيدى.

ترانزيتتىك زاڭ بۇزۋدىڭ ەكىنشى جاعدايى قاراعاندىداعى «شىعىس» بازارىندا انىقتالدى. جۇرگىزۋشى ناۆيگاتسيالىق پلومبالاۋ قىزمەتى ديسپەتچەرىنە كولىكتىڭ بۇزىلۋى تۋرالى حابارلاعان. ءسويتىپ, ءونىم تەز بۇزىلاتىندىعىنا بايلانىستى جەمىستەردى ساتۋدى ۇيعاردى. وسى ماسەلە بويىنشا قاراعاندى وبلىسى بويىنشا قىزمەتكەرلەرىمەن بىرلەسىپ, بازار اكىمشىلىگى ققس تولەۋگە مىندەتتەلدى.

جالپى, اتالعان زاڭ بۇزۋشىلىقتار ءۇشىن جۇرگىزۋشىلەر اقبتك-ءنىڭ 573-بابىنىڭ  4-تارماعى بويىنشا اكىمشىلىك جاۋاپكەرشىلىككە تارتىلادى. ولارعا 20 اەك مولشەرىندە ايىپپۇل تولەۋگە تۋرا كەلەدى.