قىزىلاعاشتاعى قايعىلى وقيعا ءوندىرىستى ءوڭىر جۇرتى كوكىرەگىنە دە قاتتى باتتى. توسىن اپاتتان وپات بولعانداردىڭ وتباسىلارى مەن زارداپ شەككەندەردىڭ قاسىرەتى اركىمنىڭ دە ەت-جۇرەگىن ەلجىرەتتى. ولارعا كومەك كورسەتۋگە الدىمەن ءۇن قوسقان شاعىن جانە ورتا بيزنەس وكىلدەرىنىڭ ۇلكەن توبى تابىستارىنىڭ ءبىر بولىگىن قولداۋ قورىنا اۋدارۋدى شەشتى.
ارىپتەستەرىن قايىرىمدىلىققا جۇمىلدىرۋشىلاردىڭ ءبىرى “اسپاپ” جشس جەتەكشىسى, وبلىستىق ءماسليحات دەپۋتاتى تولەگەن ءاشىموۆ ءوز اتىنان 200 مىڭ تەڭگە ارناۋمەن بىرگە كاسىپورىننىڭ قىزىلعاشتا بىرنەشە تۇرعىن ءۇي سالۋدى شەشكەندىگىن كەشە تىلشىلەر قوسىنىنا حابارلادى. سونىمەن قاتار كاسىپكەرلەردىڭ وبلىستىق قاۋىمداستىعىنىڭ اتقارۋشى ديرەكتورى گۇلنار قۇربانباەۆا ءمالىم ەتكەندەي, ىسكەر توپتار بىرىگىپ 5 ميلليون تەڭگە اۋدارۋدى ۇيعاردى. ال بۇل كۇندە سونداي-اق قيىم-كەشەك, ازىق-ت ۇلىك جونەلتىلۋدە.
جەكەلەگەن ازاماتتار مەن قوعامدىق ۇيىمداردىڭ, بيزنەستىك سالانىڭ وسىنداي قولداۋىنا قوسا وبلىس ءوز تاراپىنان 50 ميلليون تەڭگە ماتەريالدىق كومەك كورسەتپەك.
ايقىن نەسىپباي.
قاراعاندى.