وسىدان تۋرا ءبىر جىل بۇرىن ۇكىمەتتىڭ قاۋلىسىمەن بەكىتىلگەن «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» باعدارلاماسىنىڭ ورىندالۋ بارىسى كەشە سولتۇستىك قازاقستان وبلىسى اكىمدىگىنىڭ وتىرىسىندا تالقىلاندى.
جوباعا ءبىر جىلدا 17,5 مىڭ سولتۇستىكقازاقستاندىق قاتىسۋشى بولىپتى. سونىڭ ىشىندە 14 مىڭ ادام جۇمىسپەن قامتىلعان. ال 9 مىڭى تۇراقتى جۇمىسقا ورنالاستىرىلعان. قازىر كاسىپكەرلىككە 2 مىڭنان اسا ادام وقىپ جاتىر. وسىنىڭ ناتيجەسىندە وڭىردە جەكە كاسىپكەرلەردىڭ ۇلەسى ارتىپ, قازىر ولاردىڭ سانى 3200 ادامعا كوبەيىپتى.
ء«وز-ءوزىن قامتاماسىز ەتكەندەردى ازايتۋ, جاڭا جۇمىس ورىندارىن اشۋ جانە بيزنەستى دامىتۋ – ءبىزدىڭ باستى ماقساتتارىمىزدىڭ ءبىرى. بيىل جەكە كاسىپكەرلەر كوبەيدى. ولار نەسيە الىپ, كاسىپتەرىن اشتى. وسى جۇمىستى جالعاستىرۋ كەرەك», دەدى وبلىس اكىمى قۇمار اقساقالوۆ ءوزىنىڭ سوزىندە.