الماتىدا پرەزيدەنت قاسىم-جومارت توقاەۆتىڭ توراعالىعىمەن ءوتىپ جاتقان قالانى دامىتۋعا ارنالعان القالى كەڭەستە شاھار باسشىسى باقىتجان ساعىنتاەۆ بيىلعى جىلدىڭ 9 ايىنداعى دامۋدىڭ نەگىزگى ناتيجەلەرىنە جانە قالانىڭ الدىندا تۇرعان ءتۇيىندى ماسەلەلەرگە توقتالىپ ءوتتى.
اكىمنىڭ سوزىنشە, سوڭعى كورسەتكىشتەر الەۋمەتتىك-ەكونوميكالىق دامۋدىڭ وڭ ديناميكاسىن كورسەتىپ وتىر. العاشقى جارتىجىلدىقتا جالپى وڭىرلىك ءونىمنىڭ ءوسىمى 4,1%-دى قۇراعان. ونەركاسىپ 5,9%-عا, ينۆەستيتسيا – 5,5%-عا, قۇرىلىس - 3,1%-عا, تۇرعىن ءۇيدى پايدالانۋعا بەرۋ - 2,8%-عا وسكەن.
«ينفلياتسيا 3,3%-دان اسپايدى.جۇمىسسىزدىق دەڭگەيى 5,1%-عا دەيىن تومەندەدى. جىل باسىنان بەرى 29,2 مىڭ جاڭا جۇمىس ورنى اشىلدى.سالىقتىق اكىمشىلەندىرۋدى جاقسارتۋ ەسەبىنەن مەملەكەتتىك بيۋدجەتكە تۇسەتىن سالىق وتكەن جىلعا قاراعاندا 12,4%- عا كوپ جينالدى», دەدى باقىتجان ساعىنتاەۆ ءوز سوزىندە.