مەملەكەت باسشىسى قاسىم-جومارت توقاەۆ ەكى كۇندىك جۇمىس ساپارىمەن الماتىعا كەلدى. ساپار بارىسىندا پرەزيدەنت الماتىنىڭ الەۋمەتتىك-ەكونوميكالىق دامۋىنا قاتىستى جيىن وتكىزىپ, بىرقاتار نىسانداردى ارالايدى دەپ كۇتىلۋدە. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ facebook پاراقشاسىندا جازدى.
پرەزيدەنت بۇگىن جاڭا الماتى باعدارلاماسىنىڭ تۇساۋكەسەرىمەن تانىسىپ, «بالالار ءۇيىنىڭ» تاربيەلەنۋشىلەرىنە پاتەر كىلتىن تابىس ەتىپ, الماتى قالاسىنىڭ الەۋمەتتىك-ەكونوميكالىق دامۋىنا ارنالعان كەڭەسكە قاتىسادى.
سونىمەن قاتار «Tech Carden» يننوۆاتسيالىق كلاستەرىنىڭ جۇمىسىمەن, ينۆەستيتسيا ءۇيىنىڭ تىنىس-تىرشىلىگىمەن تانىسادى. سونداي-اق ءال-فارابي اتىنداعى قازاق ۇلتتىق ۋنيۆەرسيتەتىنە بارىپ, «كەرەمەت» ستۋدەنتتەرگە قىزمەت كورسەتۋ ورتالىعىن ارالاماق.
جۇمىس ساپارىنىڭ ەكىنشى كۇنى پرەزيدەنت الماتىداعى رەزيدەنتسياسىندا بىرقاتار كەزدەسۋلەر وتكىزەدى.