سەنبى كۇنى كۇللى قازاق جۇرتىنىڭ نازارىن اۋدارعان ايتۋلى وقيعانىڭ ءبىرى الماتىداعى بالۋان شولاق اتىنداعى سپورت سارايىندا وتكەن وتانداسىمىز قانات يسلام مەن ناميبيالىق ۋولتەر كاۋتوندوۆتىڭ جەكپە-جەگى. تارتىستى باسەكەدە جەڭىسكە جەتىپ, ەل داڭقىن اسقاقتاتقان التىن جۇدىرىقتى جەرلەسىمىزدى الماتى قالاسىنىڭ اكىمى باقىتجان ساعىنتاەۆ ءوزىنىڭ Instagram پاراقشاسىندا قۇتتىقتادى.
«قانات ءبىرىنشى ورتا سالماقتاعى WBO International بەلبەۋى ءۇشىن ناميبيالىق بوكسشى ۋولتەر كاۋتوندوكۆامەن جۇدىرىقتاستى. وڭايعا سوقپاعان 10 راۋندتىق جەكپە-جەك پەن جانكۇيەرلەردىڭ تولقىنىسى. بىراق قانات جەڭىسكە دەگەن جىگەر مەن قايتپاس قايسار مىنەزىن كورسەتە ءبىلدى. 27 - جەڭىس قۇتتى بولسىن, چەمپيون!», - دەپ جازدى قالا اكىمى ءوز پاراقشاسىندا.