حالىقارالىق تۇركى اكادەمياسىنىڭ پرەزيدەنتى دارحان قىدىرالى ازەربايجاننىڭ سىرتقى ىستەر مينيسترى ەلمار مامادياروۆپەن كەزدەستى. بۇل تۋرالى ول Facebook پاراقشاسىندا جازدى.
«تۇركى كەڭەسى مەملەكەت باسشىلارىنىڭ VII ءسامميتى قارساڭىندا ازەربايجان رەسپۋبليكاسىنىڭ سىرتقى ىستەر ءمينيسترى ەلمار مامادياروۆ مىرزامەن كەزدەستىك. مينيسترگە قوناقجاي قابىلداۋى ءۇشىن راحمەت ايتىپ, ءسامميتتىڭ جوعارى دەڭگەيدە ءساتتى وتۋىنە تىلەكتەستىك بىلدىردىك. اكادەميانىڭ قۇجاتتارىن العاش بولىپ راتيفيكاتسيالاعانى ءۇشىن دە العىس ايتتىق. اتقارىلعان جۇمىستار تۋرالى اڭگىمەلەسىپ, الداعى جوسپارلارىمىزدى پىسىقتادىق. مينيستر مىرزا دا اكادەميانىڭ جۇمىستارىنا جوعارى باعا بەردى», دەپ جازدى د. قىدىرالى.