سەناتور ۆلاديمير ۆولكوۆ سانكت-پەتەربۋرگ قالاسىندا تمد پاا قۇقىقتىق ماسەلەلەرى جونىندەگى تۇراقتى كوميسسياسىنىڭ وتىرىسىنا قاتىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
وتىرىستا «مىندەتتەمە قۇقىقتارى تۋرالى», «جارناما تۋرالى», «نورماتيۆتىك-قۇقىقتىق اكتىلەر تۋرالى» (جاڭا رەداكتسيادا), «قىلمىستان زارداپ شەگۋشىلەرگە كەلگەن زيان ورىن تولتىرۋ تۋرالى» ۇلگى زاڭ جوبالارى قارالدى.
تاۋەلسىز مەملەكەتتەر دوستاستىعىنداعى 2016-2020 جىلدارعا ارنالعان ۇلگى زاڭ شىعارۋدىڭ كەلەشەك جوسپارىن جۇزەگە اسىرۋ قورىتىندىلارى تىڭدالدى.
ۇلتتىق زاڭناماعا ۇلگى زاڭ جوبالارىنىڭ ەرەجەلەرىن ەنگىزۋ ماسەلەلەرى تالقىلاندى.
تالقىلاۋ قورىتىندىسى بويىنشا اتالعان ۇلگى زاڭ جوبالارى ماقۇلدانىپ, تمد پاا پلەنارلىق وتىرىسىندا ۇسىنىلاتىن بولادى.
سەناتور سول كۇنى دەپۋتاتتار توبىمەن بىرگە سانكت-پەتەربۋرگ قالاسىنداعى جامبىل جاباەۆ پەن ءاليا مولداعۇلوۆانىڭ ەسكەرتكىشتەرىنە گۇل شوقتارىن قويدى.