كەشە بىشكەكتە قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ تۇركى كەڭەسىنىڭ باس حاتشىسى باعدات امىرەەۆتى قابىلدادى.
كەزدەسۋ بارىسىندا باس حاتشى قىرعىزستان باسشىسىنا الداعى 15 قازاندا باكۋدە وتەتىن كەزەكتى 7-ءشى تمىك سامميتىنە دايىندىق تۋرالى, سونداي-اق تۇركى كەڭەسى حاتشىلىعىنىڭ مۇشە ەلدەرى اراسىنداعى ءتۇرلى سالاداعى ىنتىماقتاستىقتى ينستيتۋتتىق دامىتۋ بويىنشا جۇرگىزەتىن نەگىزگى جۇمىستارى تۋرالى حابارلادى.
ب.امىرەەۆ پرەزيدەنت س.جەەنبەكوۆتى بۇگىنگى مۇشە ەلدەردە تۇركى بىرلىگى كۇنى رەتىندە اتاپ وتىلەتىن تمىك قۇرىلۋىنىڭ 10 جىلدىعىمەن جانە قىرعىزستاننىڭ ۇيىمعا توراعالىعىنىڭ جەمىستى ءارى ءساتتى اياقتالۋىمەن قۇتتىقتادى.
پرەزيدەنت سوورونباي جەەنبەكوۆ الداعى كەلە جاتقان تۇركى كەڭەسىنىڭ مەرەيتويلىق ءسامميتىنىڭ ماڭىزدىلىعىن اتاپ ءوتىپ, وزبەكستاننىڭ تۇركى كەڭەسىنە تولىققاندى مۇشە بولىپ كىرۋىنە, سونداي-اق ۇيىم مۇشەلىگىنىڭ كەڭەيۋىنە ۇلكەن رازىلىق ءبىلدىردى. سونىمەن قاتار تمىك-نىڭ بۋداپەشتتە ەۋروپالىق كەڭسەسىنىڭ اشىلۋىنا جانە باسقا دا حالىقارالىق ۇيىمدارمەن ىنتىماقتاستىقتىڭ بارىسىنا زور قاناعاتتانۋشىلىعىن ايتتى.
قىرعىزستان پرەزيدەنتى تۇركى كەڭەسى حاتشىلىعى جۇمىسىنىڭ ونىمدىلىگىن باعالاپ, ىنتىماقتاستىقتىڭ جاڭا ينستيتۋتتارى – تۇركى ساۋدا-ونەركاسىپ پالاتاسىنىڭ, ينۆەستيتسيالىق قورىنىڭ قۇرىلۋى بويىنشا جۇرگىزىلىپ جاتقان جۇمىستاردىڭ ماڭىزدىلىعىن اتاپ ءوتتى.
تاراپتار كەزدەسۋ بارىسىندا الداعى ءسامميتتىڭ كۇن تارتىبىندەگى ماسەلەلەردى جان-جاقتى تالقىلاپ, تۇركى كەڭەسى اياسىنداعى قىرعىز رەسپۋبليكاسىمەن ىنتىماقتاستىق پەرسپەكتيۆالارى بويىنشا پىكىر الماستى.
«ەگەمەن-اقپارات»