كەنشىلەر استاناسىندا اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتىنىڭ توراعاسى ارمان وتەعۇلوۆ وڭىردەگى ۆەتەرينارلىق باقىلاۋ, ۆەتەرينارلىق-سانيتارلىق جانە تاعام قاۋىپسىزدىگى ماسەلەلەرى بويىنشا كەڭەيتىلگەن كەڭەس وتكىزدى.
جيىن بارىسىندا وبلىستىق ۆەتەريناريا باسقارماسىنىڭ باسشىسى قايىربەك تۇرسىنبەكوۆ اتقارىلعان جۇمىستار تۋرالى باياندادى.
– بيىل مال اۋرۋلارىنىڭ 13 ءتۇرىن الدىن الۋ جانە 30 ءتۇرىن دياگنوستيكادان وتكىزۋ بويىنشا امال-شارعىلار جاسالدى. وبلىستىق بيۋدجەتتەن جانۋارلار اۋرۋلارىنىڭ الدىن الۋ ءۇشىن ءىرى قارا مالدىڭ تەيلەريوزىنا قارسى 15 مىڭ ءدارى دوزاسى, سونداي-اق جىلقى ءۇشىن 111 مىڭ ءدارى دوزاسى ساتىپ الىندى, – دەپ مالىمدەدى وبلىستىڭ باس ۆەتەرينارى.
بيىل قاراعاندى وبلىسىنا شەت مەملەكتتەردەن, اتاپ ايتقاندا چەحيادان (722), بەلارۋستان (45) جانە رەسەيدەن (2162) 2929 باس ءىرى قارا مال اكەلىندى. سونداي-اق رەسەي (155200) مەن ۆەنگريادان (51597) 206797 تاۋلىكتىك بالاپاندار جەتكىزىلگەن.
كەڭەس سوڭىندا ۆەتەرينارلىق باقىلاۋ جانە قاداعالاۋ كوميتەتىنىڭ توراعاسى ارمان وتەعۇلوۆ ۆەتەرينارلىق جانە ازىق-ت ۇلىك قاۋىپسىزدىگىن كۇشەيتۋگە قاتىستى ناقتى تاپسىرمالار بەردى.
ەسكە سالساق, قاراعاندى وبلىسىندا بارلىعى 840 ۆەتەرينار مامان جۇمىس ىستەيدى.