مادەنيەت جانە سپورت ءمينيسترى نۇر-سۇلتان قالاسىنداعى №57 مەكتەپتە وتكەن ەكولوگيالىق ساعاتقا قاتىستى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
رەسپۋبليكانىڭ بارلىق مەكتەپتەرىندە ءوتىپ جاتقان اكتسيانى قولداۋعا اتسالىسقان ا.رايىمقۇلوۆا الدىمەن ءبىلىم ورداسىنىڭ جۇمىسىمەن تانىسىپ, وقۋشىلار الدىندا ءسوز سويلەدى.
ء«ار سەكۋند سايىن 887 پلاستيكالىق بوتەلكە تاستالادى. ال ءبىر پلاستيكالىق بوتەلكەنى ىدىراتۋ ءۇشىن 700 جىل قاجەت. سوندىقتان پلاستيكالىق پاكەتتەردىڭ ورنىنا ەكو سومكەلەردى پايدالانۋ كەرەك», دەدى مادەنيەت جانە سپورت ءمينيسترى.
ا.رايىمقۇلوۆا وقۋشىلاردى تابيعاتقا وسى باستان جاناشىرلىقپەن قاراۋعا شاقىردى.
بۇدان كەيىن مينيستر مەكتەپتىڭ كىتاپحاناسىندا ەكو-ساباق وتكىزدى. بالالارعا تابيعاتتىڭ ادام ومىرىندەگى ماڭىزى تۋرالى اڭگىمەلەپ, جەر, سۋ, اۋانى ساقتاۋ جايىندا كەڭەستەرىن ايتتى. ەكولوگياعا دەگەن جاۋاپسىزدىقتىڭ سالدارى ءسوز بولعان جيىندا بالالار دا مينيسترگە ءوز ساۋالدارىن قويىپ, اشىق پىكىر الماستى.
ء«بىز بارىنشا ەنەرگيا مەن سۋ شىعىندارىن ازايتۋعا اتسالىسۋىمىز كەرەك. ويتكەنى, قازىرگى ۋاقىتتا سۋعا دەگەن سۇرانىس حالىق سانىنا قاراعاندا 2 ەسە جىلدام وسۋدە», دەدى ا.رايىمقۇلوۆا.
وسىدان كەيىن مادەنيەت جانە سپورت ءمينيسترى وقۋشىلارمەن بىرگە مەكتەپ اۋلاسىنا اعاش وتىرعىزدى. بۇل رەتتە ا.رايىمقۇلوۆا بالالارعا تابيعاتتىڭ ەڭ ماڭىزدى ەلەمەنتى سانالاتىن اعاش وتىرعىزۋدىڭ پايداسى جايلى ايتىپ بەردى.
ء«بىر اعاش 2 ليتر وتتەگىن وندىرە الادى, ال بۇل ءبىر ادام ءۇشىن 3 كۇنگە جەتەتىن اۋا. تابيعاتقا جانى اشىعان عالامشاردىڭ ءار تۇرعىنى جىلىنا كەمىندە 14 اعاش وتىرعىزۋى ءتيىس» , - دەدى مادەنيەت جانە سپورت ءمينيسترى ا.رايىمقۇلوۆا.