بيىل قامباعا استىق از تۇسەدى

ۆيتسە-ءمينيستردىڭ دەرەگىنە سەنسەك, كۇزگى جيىن-تەرىم جۇمىس­تارى 81% ورىندالدى. استىق­تىڭ جىلداعىعا قاراعاندا از شى­عۋىنا جازداعى اپتاپ ىستىق سەبەپ بولدى. 2018 جىلى جينالعان استىقتىڭ جالپى كولەمى 20,3 ملن توننا بولسا, بيىل 17 ملن توننا استىق جيناۋ جوسپارلانىپ وتىر.

– ەلىمىزدە 1 شىلدەدەن باستاپ اپتاپ ىستىق بولدى. اسىرەسە ەڭ استىقتى وڭىرلەردىڭ ءبىرى سانالا­تىن قوستاناي وڭىرىندەگى 8 اۋداندا ەگىن كۇيىپ كەتتى. بۇل ايماقتا قازىر گەكتارىنا 3,4 تسەنتنەر اس­تىق جينالىپ جاتىر. سول سەبەپتى ءونىم تومەن. ۇكىمەت تاراپىنان فەرمەرلەرگە بارلىق قولداۋ كورسەتىلدى. جانار-جاعارماي 100 پايىز بەرىلدى. تەحنيكا جەتكىلىكتى, بارلىعى جوندەۋدەن وتكەن. شارۋاشىلىق باسشىلارى جۇمىستى بارىنشا جوعارى دەڭگەيدە جۇرگىزىپ جاتىر. اۋا رايى اشىلسا, 10-12 كۇننىڭ ىشىندە ەگىن جيناۋ ناۋقانىن اياقتايمىز, – دەدى ا.ساپاروۆ.

ۆەدومستۆو باسشىسىنىڭ ورىنباسارى بۇل جاعداي ناننىڭ باعاسىنا اسەر ەتۋى مۇمكىن ەكەنىن ايتتى, دەسە دە الەۋمەتتىك نان­نىڭ باعاسى قىمباتتامايدى دەپ ۋادە بەردى.

– بۇل ماسەلەدە بولجام ايتۋ ءالى ەرتەرەك. نان باعاسى ءسال قىمباتتاۋى مۇمكىن. الاي­دا الەۋمەتتىك نان باعاسى قىم­بات­تامايدى. ءبىر بولكە 78-85 تەڭگە ارالىعىندا ساتىلادى. استىق باعاسى كوتەرىلگەن جاعدايدا الەۋمەتتىك كاسىپكەرلىك كورپوراتسيالارى شارا قابىلدايدى. ءتىپتى وعان اكىمدىكتەر مەن ازىق-ت ۇلىك كورپوراتسياسىنىڭ تۇراقتاندىرۋ قورلارى تارتىلادى. ازىرگە استىق جيناۋ ناۋقانى ءجۇرىپ جاتىر. بىزگە ءالى ەگىستىكتىڭ شامامەن 20%-ىن جيناۋ قاجەت. جاعدايدى باقىلاۋدا ۇستاپ وتىرمىز, – دەدى ۆيتسە-مينيستر. سپيكەر بيىل ەكسپورت كولە­مى­نىڭ دە ازايۋ قاۋپى بار ەكەنىن ايتادى.

– ەكسپورتقا قانشا مولشەردە بيدايدىڭ شىعارىلاتىنىن دا ازىرگە ايتۋ قيىنداۋ. مەنىڭ ويىم­شا, ەكسپورتقا 6-7 ملن توننا اس­تىق شىعارىلۋعا ءتيىس. 17 ملن توننا جيناساق, 2018 جىلعا قارا­عاندا ءتۇسىم ازىراق بولادى. بىراق ىشكى سۇرانىس تولىعىمەن قاناعاتتاندىرىلادى, – دەدى ا.ساپاروۆ.

2019 جىلى رەسپۋبليكا بويىن­شا 22,2 ملن گەكتار جەرگە اس­تىق سەبىلدى. ونىڭ 15,4 ملن گەكتارى ءداندى داقىلدار بولسا, سونىڭ ىشىندە 11,4 ملن گەكتارى  بيداي القابى. قازىر رەسپۋبليكا بويىنشا ورتاشا ونىمدىلىك گەكتارىنا 11,5 تسەنتنەردى قۇرايدى.