جاردەماقى تولەۋ تۋرالى بىلگىڭىز كەلسە...

بالالارى بار وتباسى­لار­دىڭ قۇقىقتارىن قورعاۋ جانە زاڭدى مۇددەلەرىن قورعاۋ قازاقستان رەسپۋبليكاسى مەم­لە­كەتتىك ساياساتىنىڭ نەگىز­گى باعىتتارىنىڭ ءبىرى سانا­لادى.

بۇگىنگى تاڭدا بالا تۋدى ىنتالاندىرۋعا جانە بالالاردى وتباسىندا تاربيەلەۋگە جاردەمدەسۋگە باعىتتالعان مەملەكەتتىك جاردەماقىلار مەن تولەمدەر جۇيەسى ۇسىن­عان بالالى وتباسىلاردى قول­داۋدىڭ ۇلتتىق مودەلى قۇ­رىلدى. ياعني:

- بالا تۋىنا بايلانىستى جاردەماقى ء(بىرىنشى, ەكىنشى, ءۇشىنشى بالاعا بەرىلەتىن جاردەماقى مولشەرى 95 950 تەڭگە (38 اەك), ءتورتىنشى جانە ودان دا كوپ بالا ءۇشىن – 159 075 تەڭگە (63 اەك);

- ءبىر جاسقا دەيىنگى بالانىڭ كۇتىمىنە ارنالعان جاردەماقى (بيىلعى جاردەماقى مولشەرى ءبىرىنشى بالاعا 5,76 اەك – 14 544 تەڭگە, ەكىنشى بالاعا 6,81 اەك – 17 195 تەڭگە, ءۇشىنشى بالاعا 7,85 اەك – 19 821 تەڭگە, ءتورتىنشى جانە ودان كوپ بالا ءۇشىن 8,90 اەك – 22 473 تەڭگە);

- مۇگەدەك بالانى ەرەسەك بولعانعا دەيىن تاربيەلەپ وتىر­عان اناسىنا نەمەسە اكە­سى­نە, اسىراپ الۋشى­سىنا, قام­قور­شىسىنا تاعايىن­دال­عان جانە تولەنگەن جاردەماقى (ونىڭ مولشەرى 2019 جىلدىڭ 1 شىلدەسىنەن باستاپ ورتاشا ەسەپپەن 41 418 تەڭگە (1,4 ەڭ تومەنگى كۇنكورىس دەڭگەيى)

- بالا كەزىنەن ءبىرىنشى توپتاعى مۇگەدەكتىگى بار ازا­ماتتى كۇتۋگە تولەنەتىن جار­دەماقى (2019 جىلدىڭ 1 شىلدەسىنەن باستاپ, 41 578 تەڭگە (13.4 ەڭ تومەنگى كۇن­كورىس دەڭگەيى)

سونداي-اق قازاقستاندا «التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتا­عىنا يە بولعان, I جانە II دارەجەلى «انا داڭقى» وردەندەرىمەن ماراپاتتالعان كوپ بالالى انالارعا اي سا­يىن­عى مەملەكەتتىك جار­دەم­­اقى تابىسىنا قارا­ماس­­تان تولە­نەدى (مولشەرى 16 160 تەڭگە).

سونىمەن قاتار, 4 جانە ودان دا كوپ كامەلەتكە تول­ماعان بالالارى بار كوپ بالالى وتباسىلارعا 2018 جىلعى 1 قاڭتارعا دەيىن تاعايىندالعان جاردەماقى تولەنەدى, 2019 جىلى جاردەماقى مولشەرى – 10 504 تەڭگە.

سونىمەن قاتار, جۇمىس ىستەيتىن ايەلدەرگە بوسانۋى جانە ءبىر جاسقا دەيىنگى بالا كۇتىمى بويىنشا جاردەماقى مەملەكەتتىك الەۋمەتتىك ساق­تان­­دىرۋ قورىنان تولە­نە­دى.

ەستەرىڭىزگە سالا كەتەيىك, پرەزيدەنت قاسىم-جومارت توقاەۆتىڭ قازاقستان حالقىنا جولداۋىندا ايتىلعان تاپسىرماسىنا سايكەس ەڭبەك جانە حالىقتى الەۋمەتتىك قورعاۋ مينيسترلىگى اتاۋلى الەۋمەتتىك كومەك كورسەتۋدىڭ جاڭا مەحانيزمدەرىن ازىر­لەۋدە. بۇل مەحانيزمدەر اشىق­تىق, ادىلدىك جانە ەڭبەك­­كە ىنتالاندىرۋ قاعي­دات­تا­رى­نا نەگىزدەلىپ, بالالاردى الەۋمەتتىك قولداۋ شارالارىنا ەرەكشە نازار اۋدارىلاتىن بولادى.

«ەگەمەن-اقپارات»