نۇر-سۇلتان قالاسىنىڭ كوعامدىق دامۋ ىستەرى باسقارماسىنىڭ باستاماسىمەن «True or False» جوباسىنا قاتىسۋعا وتىنىمدەر قابىلداۋ باستالدى. بۇل تۋرالى ەلوردا اكىمدىگىنىڭ رەسمي سايتى حابارلادى.
«True or False» جوباسى جاستاردىڭ سىني ويلاۋى مەن اقپاراتتىق ساۋاتتىلىعىن دامىتۋعا باعىتتالعان. جوبا اياسىندا «True or False» سىني ويلاۋ مەكتەبى اشىلادى, مەكتەپتىڭ ماقساتى جاستاردىڭ سىني ويلاۋىن, كيبەركەڭىستىكتەگى اقپاراتتى تالداۋ داعدىلارىن قالىپتاستىرۋ بولىپ تابىلادى. «جاستار اقپاراتتىڭ تاراتىلۋ جىلدامدىعى جانە تەحنولوگيالاردىڭ قارقىندى دامۋىنا دايىن بولۋ ءتيىس. تاقىرىپتىڭ وزەكتىلىگىنە بايلانىستى اتالمىش جوبا ۇيىمداستىرىلدى», – دەپ اتاپ ءوتتى باسقارمادا.
ايتا كەتەيىك, اتالمىش جوبا «رۋحاني جاڭعىرۋ» باعدارلاماسى شەڭبەرىندە جۇزەگە اسىرىلىپ وتىر. جوباعا سايكەس, قازان ايىنان قاراشا ايىنا دەيىن ەلوردادا 14-29 جاس ارالىعىنداعى 150 قاتىسۋشى ءۇشىن ترەنينگ وتكىزىلەدى.