پارلامەنت سەناتى توراعاسىنىڭ ورىنباسارى اسقار شاكىروۆ ەۋرازيا ەلدەرى پارلامەنتتەرى سپيكەرلەرىنىڭ IV «ۇلكەن ەۋرازيا. ۇنقاتىسۋ. ارىپتەستىك» كەڭەسى اياسىندا بىرقاتار ەكىجاقتى كەزدەسۋ وتكىزدى, دەپ حابارلادى سەناتتىڭ ءباسپاسوز قىزمەتى.
يسپانيا كورولدىگى سەناتىنىڭ سىرتقى ىستەر كوميتەتىنىڭ توراعاسى ا.گۋتيەرريسپەن كەلىسسوز بارىسىندا مەملەكەتارالىق قاتىناستاردىڭ جوعارى دەڭگەيى, سونداي-اق قازاقستان مەن يسپانيا پارلامەنتشىلەرى اراسىنداعى ىنتىماقتاستىقتى دامىتۋدىڭ الەۋەتى اتاپ ءوتىلدى.
قازاقستان وكىلى يسپانيا كورولدىگى ەلىمىزدىڭ ەۋرووداقتاعى سەنىمدى ستراتەگيالىق ارىپتەسى ەكەنىن اتاپ ءوتتى. «قازاقستان پارلامەنتتىك اسسامبلەياسى مەن ەۋروپا كەڭەسىنىڭ جۇمىسىنا قاتىسۋ اياسىنداعى يسپاندىق پارلامەنتشىلەرمەن بايلانىستى دامىتۋعا مۇددەلى», دەدى ا.شاكىروۆ.
يسپانيالىق سەناتور ءوز كەزەگىندە كورولدىكتىڭ جوعارعى پالاتاسىندا قازاقستانمەن دوستىق توبىن قۇرۋعا نيەتتى ەكەنىن جەتكىزدى.
يندونەزيا رەسپۋبليكاسى حالىق وكىلدەرى كەڭەسى توراعاسىنىڭ ورىنباسارى فادلي زونمەن جانە ايماقتار وكىلدەرى كەڭەسى توراعاسىنىڭ ورىنباسارى دارمايانتي ليۋبيسپەن كەزدەسۋدە ەكىجاقتى ىنتىماقتاستىق ماسەلەلەرى تالقىلاندى.
اسقار شاكىروۆ يسلامدىق قارجىلاندىرۋ سالاسىنداعى يندونەزيانىڭ مول تاجىريبەسىن اتاپ ءوتىپ, قازاقستان «استانا» حالىقارالىق قارجى ورتالىعىنىڭ قىزمەتىنە يندونەزيالىق قارجى ينستيتۋتتارىن قاتىسۋعا تارتۋعا مۇددەلى ەكەنىن ايتتى.
ف.زون يندونەزيا ەل استاناسىن كوشىرۋ جونىندەگى قازاقستان تاجىريبەسىن پايدالانۋعا ءازىر ەكەنىن جەتكىزدى.
ا.شاكىروۆ پاكىستان يسلام رەسپۋبليكاسى پارلامەنتى سەناتى توراعاسىنىڭ ورىنباسارى ساليم ماندۆيۋاللامەن كەزدەسۋدە «قازاقستان مەن پاكىستان قاتىناستارى اشىقتىعىمەن جانە بىرىزدىلىگىمەن ەرەكشەلەنەدى», دەدى.
«شىۇ مەن اوسشك اياسىنداعى تىعىز ىنتىماقتاستىق كوپجاقتى سيپاتتاعى ۇيلەسىمدى جۇمىستىڭ ايقىن مىسالى بولىپ تابىلادى. ءبىزدىڭ ءوزارا سەنىمىمىز ايماقتىق ىنتىماقتاستىقتى ودان ءارى نىعايتۋعا جانە اتالعان حالىقارالىق الاڭداردىڭ الەۋەتىن ارتتىرۋعا ىقپال ەتەتىنىنە سەنىمدىمىن», دەدى سەناتور.
ساليم ماندۆيۋاللا ءوز كەزەگىندە سپيكەرلەردىڭ IV كەڭەسىنە شاقىرىلعانى ءۇشىن العىس ءبىلدىرىپ, پاكىستان قازاقستاننىڭ پارلامەنتىمەن تىعىز بايلانىس جاساۋعا ءازىر ەكەنىن راستادى. اڭگىمە بارىسىندا پاكىستان وكىلى اسقار شاكىروۆكە ەلىنە ساپارمەن كەلۋ شاقىرۋىن تابىس ەتتى.
جۇزدەسۋشىلەر ەكى ەل اراسىنداعى ەكونوميكالىق, مادەني-گۋمانيتارلىق بايلانىستاردى ورىستەتۋ جونىندە پىكىر ءبىلدىردى.
سەنات توراعاسىنىڭ ورىنباسارى رۋمىنيا دەپۋتاتتار پالاتاسى توراعاسىنىڭ ورىنباسارى فلورين يورداكەمەن كەزدەسۋدە مەملەكەت باسشىسى ق.توقاەۆ ءتۋريزمدى دامىتۋ مىندەتىن قويعانىن اتاپ ءوتتى. «قازاقستان باسقا ەلدەرمەن ساۋدا-ەكونوميكالىق قاتىناستاردى دامىتۋعا ءازىر. الەم ەلدەرىنىڭ پارلامەنتتەرى جاڭا ساپالىق دەڭگەيگە ءوتتى. ءبىز رۋمىنيامەن ءوزارا ءتيىمدى شارتتاردا پارلامەنتارالىق بايلانىستاردى جالعاستىرۋعا مۇددەلىمىز», دەدى ا.شاكىروۆ.
ف.يورداكە قازاقستان رۋمىنيانىڭ سەنىمدى ارىپتەسى بولىپ تابىلاتىنىن جانە قازاقستاندىق تاۋارلاردى ەۋروپا نارىعىنا ىلگەرىلەتەتىن كوپىرى بولۋعا مۇددەلى ەكەنىن اتاپ ءوتتى. اۋىل شارۋاشىلىعى, يننوۆاتسيالار مەن تەحنولوگيانى, ەكولوگيا مەن ءتۋريزمدى ىنتىماقتاستىقتىڭ باسىم سالالارى دەپ بەلگىلەدى.
اسقار شاكىروۆ پالەستينا ۇلتتىق كەڭەسىنىڭ باس حاتشىسى مۇحاممەد مۇسا سوبەيحپەن كەزدەسۋدە حالىقارالىق ىستەردەگى پارلامەنتتەردىڭ ءرولىن كۇشەيتۋدىڭ ماڭىزىن اتاپ ءوتتى. «ەۋرازيا ەلدەرى پارلامەنتتەرى سپيكەرلەرىنىڭ كەزدەسۋى اياسىنداعى ۇنقاتىسۋ الاڭى پىكىر الماسۋدىڭ ماڭىزدى مىنبەرى بولىپ تابىلادى. قازاقستان كەز كەلگەن قاقتىعىستاردى بەيبىت جولمەن شەشۋدى جاقتايدى. قازاقستان تاياۋ شىعىستاعى شيەلەنىستەردى رەتتەۋگە بەلسەندى قاتىسۋشى بولىپ تابىلادى. ءبىز ەكىجاقتى بايلانىستاردى ودان ءارى كەڭەيتۋگە ءازىرمىز», دەدى قازاقستان سەناتى توراعاسىنىڭ ورىنباسارى.
پالەستينا ۇلتتىق كەڭەسىنىڭ باس حاتشىسى ءوز كەزەگىندە پالەستينا الەمدە بەيبىتشىلىك باستاماسىن قولدايتىنىن جانە تاياۋ شىعىستا بەيبىتشىلىك پەن تۇراقتىلىقتى ساقتاۋعا بار كۇش-جىگەرىن جۇمساۋعا ءازىر ەكەنىن جەتكىزدى.