ارداگەرلەر ءالى جارىسقا قاتىسادى

سپورتتىڭ 8 ءتۇرى بويىنشا وتكەن سپارتاكيادانىڭ اشى­لۋىندا وبلىستىق دەنە شى­نىق­­تىرۋ جانە سپورت باسقار­ما­سىنىڭ باسشىسى دەنيس رىپاكوۆ, وبلىستىق ارداگەرلەر ۇيىمىنىڭ توراعاسى, قول كۇرەسىنەن الەمنىڭ ءۇش دۇركىن چەمپيونى مۇقان اعزاموۆ ءسوز الىپ, جاسى قىرىقتان, ءتىپتى 90 دەگەن جاستىڭ اسۋىنان اسقان قاريالاردى قۇتتىقتاپ, ولارعا زور دەنساۋلىق تىلەدى.سپورتتىڭ 8 ءتۇرى بويىنشا وتكەن سپارتاكيادانىڭ اشى­لۋىندا وبلىستىق دەنە شى­نىق­­تىرۋ جانە سپورت باسقار­ما­سىنىڭ باسشىسى دەنيس رىپاكوۆ, وبلىستىق ارداگەرلەر ۇيىمىنىڭ توراعاسى, قول كۇرەسىنەن الەمنىڭ ءۇش دۇركىن چەمپيونى مۇقان اعزاموۆ ءسوز الىپ, جاسى قىرىقتان, ءتىپتى 90 دەگەن جاستىڭ اسۋىنان اسقان قاريالاردى قۇتتىقتاپ, ولارعا زور دەنساۋلىق تىلەدى.

– سپارتاكيادانى وتكىزۋدەگى ماقسات – سالاماتتى ءومىر سالتىن ناسي­حاتتاۋ, كەزىندە سپورتپەن شۇعىلدانىپ, ەل نامىسىن ابىرويمەن قورعاعان قاريالاردىڭ قازىر دە قاتاردان قالماي جاستارعا ۇلگى كورسەتىپ جۇرگەنىن دالەلدەۋ, – دەيدى مۇقان اعزاموۆ.

– مىسالى, نيكولاي ۆاسيلەۆيچ نەمچينوۆ 93 جاستا. اۋىر اتلەتيكادان حالىقارالىق دارەجەدەگى سپورت شەبەرى, 1957 جىلى ماسكەۋدە وتكەن كسرو چەمپيوناتىندا 57 كيلودا قولا مەدالعا يە بولعان, ەلىمىزدىڭ بىرنەشە دۇركىن چەمپيونى. 92 جاستاعى م.ماميەۆ, 87 جاستاعى نينا الەكساندروۆنا سلۋكينا بۇل كۇندەرى دە بۇقارالىق سپورتپەن مىقتاپ شۇعىلدانىپ ءجۇر. كسرو سپورت شەبەرى, وداقتىق, ەلارالىق چەمپيوناتتاردا سان مارتە توپ جارعان راحىمعازى كوشەرباەۆتىڭ شاكىرتتەرى دە سپارتاكيادا كورىگىن قىزدىردى. بۇل جولى ايەلدەر سپورتتىق جۇرىستەن, دويبىدان, ەرلەر 400 مەترگە جۇگىرۋدەن, قول كۇرەسى, ۆولەيبولدان, ەڭ ەگدە جاستاعىلار گىر كوتەرۋدەن ونەر كورسەتتى.گىر كوتەرۋدە 93 جاستاعى ن.نەم­چينوۆ 8 كەلى بولاتىن گىر تاسىن 44 رەت كوتەرىپ, چەمپيون اتاندى. ءبىر عاسىرعا جۋىق عۇمىر جاسا­عان قاريانىڭ قارقىنى سۇيسىنتەدى, گىر تاسىن ۇرشىقتاي يىرەدى.

– سپورت – مەنىڭ جان سەرىگىم, ءومىر بويى سپورتپەن شۇعىلدانىپ كەلەمىن. تاڭەرتەڭ ەرتە تۇرىپ, جاتتىعۋ جاسايمىن, تازا اۋادا جۇگىرەمىن, شىلىم شەكپەيمىن, اراققا قۇمار ەمەسپىن, – دەيدى قاريا.

ال 60, 80 جاستاعىلار اراسىندا قۋانىش قيارىستانوۆ جەڭىمپاز اتانسا, ودان كەيىنگى ورىنداردى ءدىنيسلام شاكيرتوۆ, قۋانىش باياندين يەلەندى. 80 كيلودا س.لەۆچەنكو, يۋ.ششۋروۆ جۇلدەگەر اتاندى.جاسى قىرىقتان اسىپ, ەلۋگە تاياعان ەرلەر اراسىنداعى 400 مەتر­گە جۇگىرۋدە راحىمعازى كوشەر­باەۆ­تىڭ شاكىرتتەرى ءدىنيسلام شاكيرتوۆ, قايرات قابدولدين, قۋانىش باياندين جۇلدەلى ورىنداردى ءبولىستى. ال ايەلدەر اراسىندا 1 شاقىرىمدىق جاياۋ جۇرىستە ەلەنا ليبەرت ءبىرىنشى بولىپ مارەگە جەتتى. ودان كەيىنگى ورىنداردى اسەم ءدۇسى­پوۆا, اقەركە قابديروۆالار يە­لەندى.

ۆولەيبول ويىندارى دا تارتىس­تى ءوتتى. وعان 8 كوماندا قاتىسىپ, وسكەمەننىڭ ءۇمز كومانداسى قارسىلاس شاق كەلتىرمەدى. ەكىنشى, ءۇشىنشى ورىنداردى وسكەمەن ۆولەيبول كلۋبى جانە ۇلان اۋدانىنىڭ كۇراماسى يەلەندى. 400 مەترلىك ەرلەر اراسىنداعى قاشىقتىقتا د.شاكيرتوۆ چەم­پيون اتاندى. ونىڭ ۋاقىتى 1 مينۋت 01 سەكۋند. قايرات قابدولدين مەن قۋانىش باياندين ەكىنشى, ءۇشىنشى ورىندارعا تابان تىرەدى.دوي­بى­دان ايەلدەر اراسىن­دا­عى جارىستا ساۋلە بەي­سەم­باەۆا ءبىرىنشى ورىندى يە­لەندى.

س.لوگينوۆسكايا مەن ن.سلۋكينا  – كۇمىس جانە قولا جۇلدەگەر اتاندى. جۇلدە العانداردى مۇقان اعزاموۆ پەن وبلىستىق دەنە شىنىقتىرۋ جانە سپورت باس­قار­­ماسىنىڭ باسشىسى دەنيس رىپاكوۆ قۇتتىقتاپ, العىس حاتتار مەن باعالى سىيلىقتاردى تابىس ەتتى. وبلىستىق «دينامو» سپورت قوعامىن 30 جىل بويى باس­قارىپ, ونداعان الەم چەمپيونىن قانات قاقتىرعان بوريس الەكساندروۆيچ شالپاكوۆتى 80 جاسقا تولعان مەرەيتويىمەن سپورت باسشىلارى قۇتتىقتادى. 

وڭداسىن ەلۋباي,

جۋرناليستشىعىس قازاقستان وبلىسى