قالا اكىمى التاي كولگىنوۆ ءبىر جارىم اپتا بۇرىن اشىلعان «جانۇيا» ينستيتۋتىنىڭ قولداۋ ورتالىعىندا ازاماتتاردى قابىلدادى. ورتالىقتا ء«بىر تەرەزە» قاعيداسى بويىنشا 70-تەن استام مەملەكەتتىك قىزمەت كورسەتىلەدى. تۇرعىندار ااك جانە ءبىلىم الۋ, جۇمىسقا ورنالاسۋ, ءوز ءىسىن اشۋ, تۇرعىن ءۇي باعدارلامالارىنا قاتىسۋ جانە ت.ب. سۇراقتارعا جاۋاپ الا الادى. ازاماتتاردى جەكە قابىلداۋ بارىسىندا وقۋشىلاردىڭ اتا-انالارى جالپىعا بىردەي مىندەتتى وقۋ قورى اياسىندا سەرتيفيكاتتار الۋدىڭ ىڭعايلىلىعىن اتاپ ءوتتى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
- بۇل وتە ىڭعايلى. بۇرىن ساپاسىز جانە ۇلكەن كيىم كەلەتىن ەدى. قازىر مىنە ءبىز وزىمىزگە ۇنايتىنىمىزدى, باعاسى مەن ساپاسىن سالىستىرا وتىرىپ, تاڭداۋ جاساي الامىز, - دەدى قالا تۇرعىندارى.
كوپتەگەن ازاماتتار تۇرعىن ءۇي ماسەلەلەرى بويىنشا جولىقتى. قالا اكىمى ا. كولگىنوۆ ەگەر جازدا كەزەكتە 46 مىڭ ادام تۇرسا, قازىر بۇل كورسەتكىش 47,5 مىڭ ادامعا دەيىن ارتقانىن اتاپ ءوتتى.
-تۇرعىن ءۇي ماسەلەسى ءبىر كۇندە شەشىلمەيدى. كەزەكتە 47,5 مىڭ ادام تۇر. بىرنەشە تۇرعىن ءۇي باعدارلاماسى بار. ولاردىڭ ءبىرى - «باقىتتى وتباسى» باعدارلاماسى, نەسيە مولشەرلەمەسى 2 %-دى قۇرايدى. كەزەكتەن تىس پاتەر بەرۋگە مۇمكىندىگىمىز جوق. قۇجاتتاردى جيناۋ, كەڭەس بەرۋ, ءبىلىم بەرۋ جانە جۇمىسقا ورنالاستىرۋ بويىنشا كومەكتەسەمىز. كەلەسى جىلى ءبىز ەلوردادا قولجەتىمدى تۇرعىن ءۇي قۇرىلىسىنىڭ كولەمىن 3 ەسەگە ۇلعايتامىز. بىراق كەزەكتە تۇرعانداردىڭ سانى دا ءوسىپ كەلە جاتقانىن ءتۇسىنۋ كەرەك, - دەدى ا. كولگىنوۆ.
سونداي-اق قابىلداۋ بارىسىندا ءتورتىنشى سىنىپ وقۋشىسىنىڭ اناسى 1 قىركۇيەكتە اشىلعان №87 مەكتەپ-ليتسەيگە بالاسىن جىبەرەتىنى تۋرالى شەشىم قابىلداندى. 9 اپتا ىشىندە قالا اكىمى 300-دەن استام ادامدى قابىلدادى. وتىنىشتەر بويىنشا ءتيىستى جۇمىستار جۇرگىزىلۋدە.