سىرتقى ىستەر مينيسترلىگىندە سىرتقى ساياسي ۆەدومستۆونىڭ باسشىسى بەيبىت اتامقۇلوۆ لەسلي اچا وپوكۋ-ۋارە (گانا رەسپۋبليكاسى), كارستەن سەندەرگورد (دانيا كورولدىگى), مايك سانگو (زيمبابۆە رەسپۋبليكاسى), اندرەي نەگۋتس (مولدوۆا رەسپۋبليكاسى), دجون ماتستسا (سان-مارينو رەسپۋبليكاسى), برانكو راكوۆەتس (سلوۆەنيا رەسپۋبليكاسى), سيمون ماركو مۋمۆي (تانزانيا بىرىككەن رەسپۋبليكاسى), ماناس تاكگيساكيباۋ (فيدجي رەسپۋبليكاسى) قازاقستاندا مىندەتىن قوسا اتقارۋشى شەتەلدىك ەلشىلەردى قابىلدادى. بۇل تۋرالى ءسىم ءباسپاسوز قىزمەتى حابارلادى.
كەزدەسۋ بارىسىندا شەتەلدىك ەلشىلەر قازاقستاننىڭ سىرتقى ساياساتىنىڭ باسىمدىقتارى جانە ۇكىمەت تاراپىنان جۇرگىزىلىپ جاتقان الەۋمەتتىك-ەكونوميكالىق رەفورمالار تۋرالى اقپاراتپەن كەڭىنەن تانىستىرىلدى.
تاراپتار جوعارى دەڭگەيدەگى بايلانىستاردى دامىتۋعا, ەكىجاقتى تاۋار اينالىمىنىڭ وسۋىنە جاردەمدەسۋگە, مادەني جانە قوعامدىق بايلانىستاردى دامىتۋعا كەلىستى.
ءوز كەزەگىندە شەتەلدىك ديپلوماتتار قازاقستاننىڭ تاۋەلسىزدىك جىلدارى قول جەتكىزگەن سىرتقى ساياسي جانە ەكونوميكالىق جەتىستىكتەرىن جوعارى باعالادى.
ەلدىڭ سىرتقى ساياسي ۆەدومستۆوسىنىڭ باسشىسى شەتەلدىك ەلشىلەرگە ەكىجاقتى ىنتىماقتاستىقتى نىعايتۋعا باعىتتالعان جەمىستى قىزمەت تىلەدى.