تەمىرتاۋ قالاسىندا جاڭادان سالىنعان وبلىستىق مامانداندىرىلعان SMART technologies مەكتەپ-ليتسەيى اشىلدى. ءبىلىم مەكەمەسىنە 5-8 سىنىپتاردىڭ تەستىلەۋ سىناعىنان ىركىلمەي وتكەن 400 دارىندى وقۋشىسى قابىلداندى.
ءوڭىردىڭ وزگە قالالارى مەن اۋداندارىنان كەلىپ وقيتىن ليتسەيلىكتەر ءۇشىن اسحاناسى, بارلىق تۇرمىستىق جاعدايى بار ينتەرنات ءۇيى جۇمىس ىستەيدى.
IT-مەكتەپ وقۋعا جانە تەحنيكالىق ساباقتارعا ارنالعان زاماناۋي جابدىقتارمەن جاراقتاندىرىلعان. وقۋشىلار 5-ءشى سىنىپتان باستاپ جاڭا پاندەر مەن باعدارلامالاۋ تىلدەرىنە تەرەڭدەتىپ وقىتۋ ارقىلى كاسىپتىك باعدار الا باستايدى. وقىتۋ قازاق, ورىس جانە اعىلشىن تىلدەرىندە جۇرگىزىلەدى. مەكتەپ مۇعالىمدەرى ۋنيۆەرسيتەتتە تاعىلىمدامادان وتكەن.
مەكتەپ-ليتسەيدە وقۋشىلاردىڭ بوس ۋاقىتىن ءتيىمدى وتكىزۋى جانە سپورتپەن اينالىسۋى ءۇشىن بارلىق جاعداي جاسالعان. مۇندا فۋتبول, باسكەتبول, بوكس, كۇرەس جانە باسقا دا سپورت تۇرلەرىنە ارنالعان قۇرال-جابدىقتارمەن جاراقتاندىرىلعان اكت زالى جانە ەكى سپورت زالى بار.