اقتوبە وبلىسىنىڭ تىلدەردى دامىتۋ باسقارماسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەن مادەنيەت جانە سپورت مينيسترلىگىىڭ تاپسىرماسىن ىسكە اسىرۋ ماقساتىندا قازاق ءتىلى ءالىپبيىن لاتىن گرافيكاسىنا كوشىرۋ جۇمىستارى اياسىندا لاتىن گرافيكاسىندا ازىرلەنگەن كلاۆياتۋرالاردى اپروباتسيادان وتكىزدى.
اپروباتسيا جۇمىستارى وبلىستا اعىمداعى جىلدىڭ 19-تامىزىنان باستالدى. سىناما تىلدەردى وقىتۋ ورتالىعىنىڭ بازاسىندا ۇيىمداستىرىلدى.
اپروباتسياعا ءارتۇرلى سالا وكىلدەرى قاتىستى. اتاپ ايتقاندا, مەملەكەتتىك قىزمەتكەرلەر, جەكە كاسىپكەرلەر, ءبىلىم مەن مادەنيەت سالاسى, اسكەري جانە قۇقىق سالالارى, بانك قىزمەتكەرلەرى, IT-ماماندارى, بارلىعى 627 ادام سىناما جۇمىستارىنا قاتىسىپ, كلاۆياتۋرالاردى جۇمىس بارىسىندا پايدالانۋدىڭ تيىمدىلىگىن انىقتادى.
سونداي-اق اپروباتسياعا باسقارما مەن تىلدەردى وقىتۋ ورتالىعىنىڭ الەۋمەتتىك جەلىدەگى اقپاراتتارىنان حابارلانىپ, ءوز ىنتاسىمەن سىناما جۇمىستارىنا قاتىسقان تۇرعىندار دا بار. بۇل لاتىن گرافيكاسىنداعى جاڭا الىپبيگە دەگەن وبلىس تۇرعىندارىنىڭ وڭ كوزقاراستا ەكەنىن بىلدىرەدى.
سىناما جۇمىستارىنا قاتىسقانداردىڭ باسىم بولىگى – جاستار (21-40 جاس ارالىعى).
اپروباتسياعا قاتىسقان رەسپوندەنتتەر كلاۆياتۋرا بويىنشا كەزدەسكەن كەمشىلىكتەر تۋرالى ءوز ۇسىنىستارىن ءبىلدىردى. ۇسىنىستار ءوز كەزەگىندە تىنىس بەلگىلەرى مەن ءجيى قولدانىلاتىن ارىپتەردىڭ ورنالاسۋ رەتىنە بايلانىستى كەلتىرىلگەن.
جالپى سىناما جۇمىسىنا قاتىسقاندار كلاۆياتۋرانى نەگىزىنەن ىڭعايلى دەپ تاپتى. كلاۆياتۋرانى جەتىلدىرۋ بويىنشا ۇسىنىستار قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنە جولداندى.