31 تامىز كۇنى ۇيىمداستىرىلعان Tour of Almaty-2019 ۆەلودوداسى اياقتالدى. جارىس ءۇشىنشى جىل قاتارىنان ەكى كۇنگە جالعاسىپ ءوتتى. ءبىرىنشى كەزەڭ «يندۋستريالدى پاركتە» ءوتىپ, 118 شاقىرىمعا سوزىلدى. العاشقى كەزەڭ جەڭىمپازى – CCC Development Team كومانداسىنىڭ شاباندوزى پاتريك شتوح.
ەكىنشى تاۋلى كەزەڭدە شاباندوزدار 160 شاقىرىم ءجۇردى. بۇل كەزەڭ Tour of Almaty جارىسىنىڭ بەت-بەينەسىنە اينالدى. «حالىق ارەنادان» باستاۋ العان ەكىنشى كەزەڭ شىعىس اينالما جولى ارقىلى ءوتىپ, ءال-فارابي داڭعىلىنا كەلدى. سوسىنمۇستافين كوشەسىنىڭ ماڭىنداعى اينالما جولدان حاليلين كوشەسىندەگى كۇرمەۋگە جەتتى. سوسىن 4,5 اينالىمنان سوڭ پەلەتون تۇڭعىش پرەزيدەنت ساياباعىنان «مەدەۋ» مۇز ايدىنىنا قاراي فينالدىق بولىمگە ۇلاستى.
جارىس بارىسىندا شاباندوزدار بىرنەشە مارتە شابۋىلدار جاساپ, قىزۋ باسەكەگە ءتۇستى. سونىڭ ەڭ ماڭىزدى تۇسى مارەگە 2 شاقىرىم قالعاندا ورىن الدى. Astana Pro Team شاباندوزى يۋري ناتاروۆ Gazprom-RusVeloشاباندوزى نيكولاي چەركاسوۆ Amore&Vita-Prodir كومانداسىنىڭ وكىلى دانيلو چەلانو ۇشەۋى نەگىزگى توپتان سۋىرىلىپ العا شىقتى. وسى ۇشتىك جۇلدەلەردى ساراپقا سالدى.
چەلانو ەكىنشى كەزەڭنىڭ جەڭىمپازى اتانسا (3:51:57), چەركاسوۆ – ەكىنشى كەلدى (+0,01).ء ال ناتاروۆ ۇشىنشى كەلگەنىمەن (+0,ء04) بىر كۇن بۇرىنعى جاپپاي سپرينتتەگى ۋاقىتىنىڭ ارقاسىندا جالپى جارىستىڭ جەڭىمپازى اتاندى. وتانداسىمىز Gazprom-RusVelo كومانداسىنىڭ مىقتىسى الەكساندر ۆلاسوۆتان 26 سەكۋندقا, ال چەلانودان 38 سەكۋندقا ءباسىم تۇستى.