گرەك-ريم, ەركىن جانە ايەلدەر كۇرەسىنەن الەم چەمپيونىنىڭ ۇيىمداستىرۋشىلارى الەم بىرىنشىلىگىنىڭ جۇلدەگەرلەرىنە بەرىلەتىن مەدالدىڭ ديزاينىن كوپشىلىككە جاريا ەتتى.
ۇيىمداستىرۋشىلار دوڭگەلەك پىشىندەس قالىپتى ديزايننان باس تارتىپ, مەدالدىڭ ءۇش بۇرىشتى ءتۇرىن تاڭداعان. بۇل فورما كۇرەستىڭ ءۇش تۇرىنەن بىرىككەن كۇرەس الەمى (United World Wrestling) اياسىندا وتەتىن الەم چەمپيوناتىنىڭ بىرلىگى مەن تۇراقتىلىعى ىسپەتتەس.
ۇيىمداستىرۋ كوميتەتىنىڭ توراعاسى ەرلان قوجاسبايدىڭ ايتۋىنشا, مەدالدىڭ بەتىندە بىرىنشىلىكتىڭ لوگوتيپى مەن استانامىزدىڭ سيمۆولى - "بايتەرەك" سالىنعان. ال لوگوتيپتى تولىقتىرىپ تۇرعان دوعال سىزىقتار كۇرەس ءادىسىن سيپاتتايدى.
ال مەدالدىڭ ەكىنشى بەتىندە كۇرەستەن الەم چەمپيوناتىنىڭ سيمۆولى - قار بارىسى بەينەلەنگەن.
ەستەرىڭىزگە سالا كەتەيىك, 2019 جىلدىڭ 14-22 قىركۇيەك ارالىعىندا قازاقستان استاناسى گرەك-ريم, ەركىن جانە ايەلدەر كۇرەسىنەن الەم چەمپيوناتىن قابىلدايدى. بۇل ءدۇبىرلى دودادا توكيو وليمپياداسىنا ىرىكتەۋ باستالادى. "بارىس ارەنادا" وتەتىن جارىستا وليمپيادا ليتسەنزياسى ءۇشىن الەمنىڭ 100 ەلىنەن 1002 بالۋان تالاسقا تۇسەدى.