وركەنيەتكە باستاعان ورەلى ىستەر

بۇعان دەيىن قوستاناي وبلىسى جانگەلدين اۋدانىنا تالشىقتى-وپ­تي­­كالىق بايلانىس جەلىسىنىڭ ءالى كۇنگە دەيىن جەتپەگەنىن ايتقان ەدىك. كوپ ۇزاماي جوعارى جىلدامدىقتى ينتەرنەت وبلىستاعى 40 اۋىلدىق ەلدى مەكەنگە جانە 108 مەملەكەتتىك مەكەمەگە قولجەتىمدى بولاتىنىن ەستىپ قۋاندىق. وسى جوبا شەڭبەرىندە جانگەلدين اۋدانىنىڭ ورتالىعى تورعاي سەلوسىن توبج-عا 2020 جىلى قوسۋ جوسپارلانىپ وتىر.  «قازاقتەلەكوم» اق سولتۇستىك فيليالى اەم توبج جوباسىن ىسكە اسىرۋعا كىرىسىپ كەتتى.

بۇگىنگى كۇنى قوستاناي وبلىسىنىڭ اۋىلدىق ەلدى مەكەندەرىن ينتەرنەت جەلىسىنە كەڭ جولاقتى قولجەتىمدىلىكپەن قامتاماسىز ەتۋ 80% قۇرايدى. 548 اۋىلدىڭ ىشىندە مىس جەلىلەرى بويىنشا ينتەرنەت جەلىسىنە قول جەتكىزۋ قىزمەتتەرى 119 اۋىلدا, تالشىقتى-وپتيكالىق بايلانىس جەلىلەرىمەن 80 اۋىل, سىمسىز تەحنولوگيا بويىنشا 322 اۋىل قامتىلعان.

مىسالعا, ناۋرىز ايىنىڭ اياعىندا وڭىرلىك كوممۋنيكاتسيالار قىزمەتىندە وتكەن قوستاناي وبلىسىنىڭ اقپا­راتتاندىرۋ, مەملەكەتتىك قىز­مەتتەر كورسەتۋ جانە ارحيۆتەر باسقارماسىنىڭ باسشىسى ەر­كە­­بۇلان ابدىكارىموۆتىڭ اي­ماق­­تاعى تسيفر­لاندىرۋ سالاسى­نىڭ دا­مۋ كورسەتكىشتەرى تۋرالى ايت­قان مالىمەتتەرىنە توقتا­لايىق.

– بيىل 53 اۋىلدىق ەلدى مەكەنگە تالشىقتى-وپتيكالىق باي­لانىس جەلىسى جەتكىزىلەدى. جان­كەلدين, امانكەلدى, قوستا­ناي, قاراسۋ, اۋليەكول اۋداندارىندا جانە ارقالىق قالاسىنا قاراستى اۋىلداردا جوعارى جىل­دامدىقتى ينتەرنەت ورناتىلادى. بۇگىنگى تاڭدا وبلىس بويىنشا كەڭجولاقتى ينتەرنەتكە قوسىلۋ 83%-عا جەتتى. وبلىستاعى 504 مەكتەپتىڭ 446-سى جانە 500 مەديتسينالىق مەكەمەنىڭ 476-سى جوعارى جىلدامدىقتى ينتەر­نەتكە قوسىلعان, – دەيدى ە.ابدى­كارىموۆ.

وكىنىشكە قاراي, ءالى دە بايلانىسپەن قامتىلۋى ءتيىس اۋىلدار بار. «قازاقتەلەكوم» اق-نىڭ ەندىگى مەجەلى ءىسى سولار بولماق.

قوستاناي وبلىسىندا كوڭىل قۋانتارلىق جاڭالىقتار كوپ. مىسالى, وڭىردەگى تەلەكوممۋنيكاتسيا ديرەكتسياسى وبلىس  ۋچاسكەلىك ينسپەكتورلارىن «امبەباپ ءنومىر» قىزمەتىنە قوستى.  بارلىعى 222 قالالىق جانە اۋداندىق ۋچاسكەلىك پوليتسيا ينسپەكتورىنا «قازاقتەلەكوم» اق امبەباپ ءنومىر  قىزمەتىنە قوسىلعان ۇيالى تەلەفوندار تابىس ەتىپتى. ەندى ۋچاسكەلىك ينسپەكتورلار ءاردايىم بايلانىستا بولادى.

​«امبەباپ ءنومىر» ءبىر SIM كارتادا قالالىق جانە ۇيالى ءنومىردى بىرىكتىرەدى. سوندىقتان ۇيالى تەلەفونعا قالالىق تەلەفوننان سوڭعى 6 سانىن تەرۋ ارقىلى قوڭىراۋ شالۋعا بولادى.  

توپتامادا ابونەنتكە قازاقستان رەسپۋبليكاسى بويىنشا تىركەلگەن نومىرلەرگە جانە التەل / تەلە2 وپەراتورلارىنىڭ نومىرلەرىنە تەگىن قوڭىراۋلار بەرىلەدى. 4G جوعارى جىلدامدىقتى ءموبيلدى ينتەرنەتتىڭ بولۋى ىسكەرلىك حابارلامالارعا ەلەكتروندىق پوشتا ارقىلى جەدەل ارەكەت ەتۋگە, ورنالاسقان جەرىنە قاراماستان كورپوراتيۆتىك اقپاراتتىق جۇيەلەرگە قول جەتكىزۋگە مۇمكىندىك بەرەدى.

«قازاقتەلەكوم» اق اتقارىپ جاتقان ىستەردىڭ تاعى ءبىرى ازاماتتاردىڭ قاۋىپسىزدىگىن جانە قۇقىقتىق ءتارتىپتى قامتاماسىز ەتۋدى كوزدەيدى. سوندىقتان بولار ۇيلەردىڭ كىرەبەرىسىنە ورناتىلعان «بۇلتتى بەينەباقىلاۋ» جوباسىن ىسكە اسىرۋ جۇمىستارى جۇرگىزىلىپ جاتىر.

قازىرگى ۋاقىتتا قالانىڭ 902  نۇكتەسىندە «قازاقتەلەكوم» اق ورناتقان 1804 كامەرا ءمىز باقپاستان قىراعىلىق تانىتىپ تۇر.

ب ۇلىڭعىر بەينەباقىلاۋ قىزمەتى تۇرعىندارعا الەمنىڭ كەز كەلگەن نۇكتەسىندە جۇرسە دە, ۇيالى قۇرىلعى نەمەسە دەربەس كومپيۋتەر ارقىلى ناقتى ۋاقىت رەجيمىندە ءوز كىرەبەرىسىندەگى وقيعالاردى باقىلاۋعا مۇمكىندىك بەرەدى. ياعني, ەش الاڭسىز قىدىرىپ ءجۇرىپ تە, ءۇيىڭىزدىڭ ماڭايىندا نە بولىپ جاتقانىن باقىلاپ وتىرا الاسىز. بۇل كامەرالار قاراڭعىدا ءتۇسىرۋ فۋنكتسياسىمەن دە جابدىقتالعان. ابونەنت ينتەرنەت ارقىلى كىرەبەرىستەردە بەينەباقىلاۋ كامەرالارىنان بەينە اعىنداردى الادى. پايدالانۋشىلارعا كامەرالارعا ناقتى ۋاقىتتا قول جەتكىزۋ مۇمكىندىگى بەرىلەدى. ال مۇراعاتتىق دەرەكتەر «بۇلتتا» جەتى كۇنگە دەيىن «قازاقتەلەكوم» اق  ينتەرنەت-سەرۆەرلەرىنىڭ كومەگىمەن ساقتالادى. كىرەبەرىستەردە ورناتىلعان كامەرالار زاقىمدالعان جاعدايدا  بەينەجازبا ساپاسىنا اسەر ەتپەيدى. ويتكەنى بەينەجازبا ونلاين رەجىمدە دەرەكتەردى وڭدەۋ ورتالىعىنا جىبەرىلەدى. سوندىقتان بولار بۇل جوبالار قالالىق اكىمدىكتىڭ دە قىزىعۋشىلىعىن تۋدىرىپ وتىر. كوپ قاباتتى تۇرعىن ۇيلەردىڭ كىرەبەرىستەرى مەن اۋلا اۋماقتارىندا قىلمىستىڭ الدىن الۋ جانە ازايتۋ ماقساتىندا, «ۇرلىقتى توقتاتۋ» جانە «قاۋىپسىز اۋلا» مەملەكەتتىك جوبالارى شەڭبەرىندە, سونداي-اق حالىقتىڭ ءومىر ءسۇرۋ قاۋىپسىزدىگىن قامتاماسىز ەتۋ ماقساتىندا ديرەكتسيا مەن قوستاناي قالاسىنىڭ اكىمدىگى اراسىندا بەينەباقىلاۋ جۇيەسىن بىرلەسىپ ەنگىزۋ تۋرالى مەموراندۋمعا قول قويىلدى.

سونىمەن قاتار, اعىمداعى جىلى كومپانيا بيزنەس پەن مەملەكەتتىك مەكەمەلەر ءۇشىن «قاۋىپسىز ونلاين بەينەباقىلاۋ» قىزمەتىن ەنگىزدى. بۇل قىزمەت قاشىقتاعى وبەكتىلەردە ونلاين مونيتورينگ جۇرگىزۋگە مۇمكىندىك بەرەدى. كامەرالاردى ۇسىنۋ جانە ولاردى مونتاجداۋ كومپانيا ەسەبىنەن جۇزەگە اسىرىلادى. بەينەكامەرالاردان جازبالار مۇراعاتتارى «قازاقتەلەكوم» اق سەرۆەرلەرىندە 30 كۇنتىزبەلىك كۇنگە دەيىن ساقتالادى, ال ابونەنتتەردىڭ ولاردى ينتەرنەت ارقىلى قاراۋعا مۇمكىندىگى بار.

تاعى ءبىر ايتۋلى وزگەرىستەردىڭ ءبىرى - «Smart City» جوباسى. جوبانى ىسكە اسىرۋ اياسىندا بۇگىنگى كۇنى فيليال قوستاناي قالاسىنداعى «يۋبيلەينىي» شاعىن اۋدانىنىڭ 47 كوپ پاتەرلى ءۇيىن قامتيتىن 3 بازالىق LPWAN ستانتسياسىن ورناتتى.

​ەسكە سالايىق, 2019 جىلدىڭ ساۋىرىندە «قازاقتەلەكوم» اق رەسۋرستىق ولشەۋ داتچيكتەرىن قوسۋعا ارنالعان كولىكتەردى پايدالانۋعا بەردى.

بۇل قىزمەت ەلەكتر مەن جىلۋ ەنەرگياسىن, ىستىق جانە سۋىق سۋدى تۇتىنۋدى ەسەپتەۋ قۇرالدارىنان دەرەكتەردى جيناۋدى اۆتوماتتاندىرادى. ەسەپتەگىش كورسەتكىشتەرى سىمسىز بايلانىس ارقىلى تىكەلەي ونلاين رەجىمدە ەنەرگەتيكالىق كومپانيالارعا جىبەرىلەدى.

بۇدان باسقا, «اقىلدى قالا» جوباسى بويىنشا قوستاناي قالاسىندا كوشەلەردىڭ, عيماراتتاردىڭ, كوممۋنيكاتسيالاردىڭ ينتەراكتيۆتى كارتا-سىزباسىن ىسكە قوسۋ ءۇشىن ينتەرنەت جەلىسىنە قولجەتىمدىلىك بەرىلدى. وسى سەكىلدى تولاعاي تابىستارعا كەنەلىپ وتىرعان وڭىرلەر مۇنىمەن عانا شەكتەلىپ قالمايدى. ءبىر عانا وبلىستا وسىنشا جۇمىس اتقارىلىپ جاتسا, رەسپۋبليكا كولەمىندە اتقارىلعان شارۋالاردىڭ جيىنتىعى بۇدان الدەنەشە ەسە اسىپ كەتەدى دەگەن ءسوز. حالىقتى جاھاندىق جاڭاشىلدىقتان ادا ەتپەي, سوڭعى جاڭالىقتار مەن تەحنولوگيالىق وزگەرىستەرگە جاقىنداتا تۇسۋدە «قازاقتەلەكوم» كومپانياسى ىستەپ جاتقان جۇمىستىڭ ىقپالى زور.

جانبولات كەنجەعۇل,

«Egemen Qazaqstan»