بۇگىنگى تاڭدا قۇقىق قورعاۋ ورگاندارى پاۆلوداردا الكوگولدىك زاڭنامانى بۇزۋدىڭ 165 فاكتىسىن انىقتادى, ونىڭ ىشىندە مامانداندىرىلعان اكىمشىلىك سوتتىڭ شەشىمىمەن 12 جەكە كاسىپكەر ليتسەنزيادان ايىرىلدى. بۇل تۋرالى پاۆلودار وبلىسى ءباسپاسوز قىزمەتى حابارلادى.
ماس كۇيىندە جاسالعان قىلمىستاردىڭ 32%-عا تومەندەگەنىنە قاراماستان, پوليتسيا قىزمەتكەرلەرى الكوگول زاڭناماسىن بۇزۋدىڭ الدىن الۋ بويىنشا تۇراقتى تۇردە جۇمىستار جۇرگىزۋدە.
وسىلايشا, اقسۋ قالاسىندا ساعات 11.20-دا تسەليننايا كوشەسىندە ورنالاسقان دۇكەندە ءتارتىپ قورعاۋشىلار بەلگىلەنگەن ۋاقىتتان تىس 1 بوتەلكە اراق ساتۋ فاكتىسىن انىقتادى. جەكە كاسىپكەرگە قاتىستى قر اقبتك 200-بابى 1-ءبولىمى بويىنشا اكىمشىلىك حاتتاما تولتىرىلدى. ماتەريال سوتقا جىبەرىلدى.
قامزين كوشەسىندەگى دۇكەن يەسىنە قاتىستى اكىمشىلىك جازا قولدانعاننان كەيىن ءبىر جىل ىشىندە الكوگولدىك زاڭنامانى بىرنەشە رەت بۇزعانى ءۇشىن قۇقىقتىق ءتارتىپ ساقشىلارى دۇكەن يەسىنە قاتىستى قر اقبك 200 بابى 4 ءبولىمى بويىنشا اكىمشىلىك ماتەريال جاسادى. سوت وسى جەكە كاسىپكەردى ليتسەنزيادان ايىرۋ تۋرالى شەشىم شىعاردى.