كاسىپقوي بوكستىڭ ورتا سالماق دارەجەسىندە جۇدىرىقتاساتىن قازاقستاندىق بوكسشى جانىبەك ءالىمحان ۇلى 17 تامىزدا شارشى الاڭعا كوتەرىلەدى. بۇل تۋرالى بوكسشى ءوزىنىڭ الەۋمەتتىك جەلىدەگى پاراقشاسىندا حابارلادى.
26 جاستاعى وتانداسىمىز اقش-تىڭ لوس-اندجەلەس قالاسىنداعى Banc of California Stadium ارەناسىندا وتەتىن بوكس كەشىندە جۇدىرىقتاسادى. جەكپە-جەك 10 راۋندقا جوسپارلانعان. ال قارسىلاسى وسى اپتانىڭ ىشىندە بەلگىلى بولماق. كەشتىڭ باستى جەكپە-جەگىندە ەكىنشى جەڭىل سالماقتاعى WBO چەمپيونى مەكسيكالىق ەممانۋەل ناۆاررەتە (27-1, 23 كو) مەن امەريكالىق فرانسيسكو دە ۆاكا (20-0, 6 كو) جۇدىرىقتاسادى.
ايتا كەتەيىك, جانىبەك ءالىمحان ۇلى (4-0, 1 كو) سوڭعى جەكپە-جەگىندە اقش بوكسشى كريستيان وليۆاسپەن (16-4, 13 كو) جۇدىرىقتاسىپ, WBO Global جانە WBC Continental Americas بەلبەۋلەرىن يەلەنگەن-ءدى.