باعدارلامانى ءبىر ۋاقىتتا راديودان تىڭداپ, تەلەديداردان كورۋگە بولادى. «قازاقستان» ترك» اق اتىراۋ وبلىستىق فيليالى «Efirde 102.0 FM» دەپ اتالاتىن تەلەراديوباعدارلامانىڭ العاشقى سانىن ەفيرگە شىعاردى.
باعدارلامانىڭ العاشقى قوناعى بولعان وبلىس اكىمى نۇرلان نوعاەۆ 80 جىلدىق تاريحى بار وبلىستىق تەلەارنانىڭ زامان تالابىنا ساي جابدىقتالىپ, كورەرمەن كوزايىمىنا اينالىپ وتىرعانىن اتاپ ءوتتى.
جەرگىلىكتى راديونىڭ تارالۋ اۋماعى بۇعان دەيىن 3 شاقىرىم عانا بولعان ەدى. ىسكە قوسىلعان كەڭەيتىلگەن دياپازوندى 1000 كيلوۆاتتىق جاڭا راديوتاراتقىشتىڭ ارقاسىندا اتىراۋلىقتار اۋە تولقىنىن جاڭا ساپادا تىڭداي الادى. «قازاقستان-اتىراۋ» تەلەارناسىنىڭ باسشىسى قانات اۋەسبايدىڭ ايتۋىنشا, راديوتولقىن ەندى 60 شاقىرىمعا دەيىن تارالادى. مۇنايلى ايماق تۇرعىندارى 102.0 FM ءجيىلىگىندە 17 ساعات بويى «Atyraý radiosy»-نىڭ حابارلارىن تىڭداي الادى.