بولجانعان شىعىن كولەمى – 20 ملرد تەڭگە

ونىڭ ايتۋىنشا, قورعانىس مي­نيسترلىگىنە جۇكتەلگەن ءمىن­دەت­تەردىڭ ءبىرى – ارىس ارسەنال قويماسىن تولىق جويۋ.

– بۇل – قورعانىس مينيستر­لىگىنىڭ مىندەتى. قازىرگى ۋا­قىتتا قارۋ-جاراق قويماسى ماڭايىندا ءار جەردەن تۇتانعان ءورت وشاقتارى بار. تيىسىنشە, قور­عانىس مينيسترلىگى مەن ءتو­تەنشە جاعدايلار كومي­تەتى­نىڭ بولىمشەلەرى ءورت ءسوندىرۋ جۇ­مىستارىنا جۇمىلدى­رىل­دى, – دەدى ۆ.بەككەر. 

كوميتەت توراعاسى الاساپىران ۋاقىتتا ۇيلەرى تونالعان ارىس­تىقتاردان 85 ارىز ءتۇس­كەنىن دە حابارلادى. 

– ۇيىنە قايتقان تۇرعىندار مۇلكى جوعالعانى تۋرالى 85 ارىز تۇسىرگەن. الايدا, وننان استام ارىزدى يەلەرى قاي­تارىپ الدى. اسا ءىرى كولەمدە ازىق-ت ۇلىك ۇرلاۋ فاكتىسى ءتىر­كەلدى. ءبىر ادام كولىگى ۇرلان­عانىن حابارلاعان. جالپى, ءار وقي­عا بويىنشا جەدەل-ىزدەستىرۋ توپتارى شۇعىل شارالار قابىلداپ جاتىر, – دەدى تجك توراعاسى. 

ءباسپاسوز ءماسليحاتىندا ۆ.بەك­كەر توتەنشە وقيعانىڭ سا­ل­دارىنان كەلگەن شىعىننىڭ ءالى تولىق ەسەپتەلىپ بولما­عانىن ايتتى. 

– شىعىن كولەمى شامامەن 20 ملرد تەڭگەگە جۋىقتايدى. بۇل تسيفر وزگەرۋى دە مۇمكىن. بۇل – الدىنا الا بولجانعان ءمالى­مەت. باعالاۋشىلار ءالى دە ەسەپ ءجۇ­ر­گىزىپ جاتىر. سوڭعى ءتۇس­كەن دە­رەك­تەر بويىنشا 70-كە جۋىق ءۇي جەرمەن-جەكسەن بول­­عان. ادەپكىدە 8 مىڭنان اس­­تام ءۇي ءب ۇلىندى دەگەن دەرەك بول­­عان. ازىرگە 6000 ءۇيدىڭ ءبۇ­ل­ىن­­گە­نىن انىقتادىق, – دەيدى ۆ.بەككەر.

توتەنشە جاعدايلار كومي­تەتىنىڭ دەرەكتەرىنە قاراعاندا, سا­پەرلىك بولىمشەلەردەن 1287 ادام 80 توپقا ءبولىنىپ, ارىس اۋما­عىن تازارتىپ جاتىر. ءبۇ­گىن­گە دەيىن 11 400 وق-ءدارى مەن ءبول­شەك تابىلعان. وعان قوسا, ارىس­تىقتارعا سنارياد ءبول­شەكتەرى كەزدەسسە, نە ءىس­تەۋ كە­رەك­تىگى جاپپاي ءتۇسىن­دىرىل­گەن. ونىڭ دا سەبەبى بار, ءويت­كەنى ساپەرلىك جۇمىستار كەزىن­دە تەمىر جول بويىنان ىسكە قو­سىل­عان كۇيى جارىلماي قالعان جارىلعىش زات تابىلعان. 

– تەمىر جول توراپتارىن تا­زا­رتۋ كەزىندە ماماندار جا­رىل­ماعان سنارياد تاۋىپ الدى. جارىلمادى دەگەنىڭىز بولما­سا, وزدىگىنەن ىسكە قوسى­لىپ قال­عان. مۇنى كورگەن ساپەرلەردىڭ وزدەرى دە قاتتى تاڭعالدى, – دەدى ۆ.بەككەر.