باقىتجان ساعىنتاەۆتىڭ ايتۋىنشا, قالانىڭ قوعامدىق كەڭەسى رەسپۋبليكاداعى ەڭ بەلسەندىسى. قۇرىلعان جىلداردان بەرگى ارالىقتا قالا تىرشىلىگىنە قاتىستى ەڭ وتكىر ءارى بارىنشا اۋقىمدى ماسەلەلەردى شەشۋدە وراسان زور جۇمىستار اتقارىلدى. ەكولوگيا, ساۋلەت, كولىك, تۇكش, قاۋىپسىزدىك, الەۋمەتتىك ينفراقۇرىلىم جانە باسقا بىرقاتار قالا جوبالارى, ونىڭ ىشىندە بوتانيكا باعىن, تەمىرجول ۆوكزالدارىن, باسقالارىن رەكونسترۋكتسيالاۋ قوعامدىق تالقىلاۋعا ارقاۋ بولعان. بۇلاردىڭ بارلىعى اكىمدىك قابىلداعان شەشىمدەردە كورىنىس تاپقانى بەلگىلى.
قالا اكىمى سونىمەن قاتار قوعامدىق كەڭەستىڭ زاماناۋي جاعدايداعى جاڭا رولىنە توقتالدى. «سىزدەر ۇنەمى حالىقپەن بىرگەسىزدەر. سىزدەر قالا تۇرعىندارىنىڭ الەۋمەتتىك كوڭىل كۇيلەرىن جەتە بىلەسىزدەر. ازاماتتار مەن قوعامنىڭ نەگىزگى تالاپتارىن سەزىنە وتىرىپ, سىزدەر ولاردى مەملەكەت مۇددەسىمەن ۇندەسۋگە, بيلىك ورگاندارىنىڭ ولاردى شەشۋىنە كومەك بەرەسىزدەر» دەپ اتاپ وتكەن باقىتجان ساعىنتاەۆ ازاماتتارمەن اشىق كوممۋنيكاتسيا ءوز جۇمىسىنداعى نەگىزگى باسىمدىقتاردىڭ ءبىرى ەكەندىگىنە توقتالدى. اشىق ديالوگتار قالانى دامىتۋ جوسپارلارىمەن بولىسۋگە, ولاردى تالقىلاۋعا, سونداي-اق بىرلەسكەن كۇش-جىگەر قالا تۇرعىندارىنىڭ ءومىر دەڭگەيىنىڭ ساپاسىن ارتتىرۋعا, ينفراقۇرىلىمداردى جاقسارتۋ بويىنشا بارىنشا ۇتىمدى شەشىمدەر قابىلداۋعا مۇمكىندىك بەرەدى.