كاسىپكەرلەر قۇقى قورعالادى

باس پروكۋراتۋرانىڭ ۇيىمداس­تىرۋىمەن كاسىپكەرلەردى باقى­لاۋشى-قاداعالاۋشى ورگانداردىڭ ولاردىڭ قىزمەتىنە زاڭسىز ارا­لا­سۋىنان قورعاۋ ماسەلەلەرى بوي­ىنشا دوڭگەلەك ۇستەل بولىپ ءوتتى. ونىڭ جۇمىسىنا پرەزيدەنت اكىمشىلىگىنىڭ وكىلدەرى, پار­لا­مەنت دەپۋتاتتارى, پرەمەر-مي­نيستر كەڭسەسىنىڭ جانە باس پرو­كۋراتۋرانىڭ باسشىلارى, “نۇر وتان” حدپ مۇشەلەرى, وزگە دە مي­نيسترلىكتەر مەن ۆەدوم­ستۆولار­دىڭ قىزمەتكەرلەرى قاتىستى. “اتا­مەكەن”  وداعىنىڭ جانە قا­زاقستان كاسىپكەرلەرى فورۋمىنىڭ جەتەكشىلەرى بولدى. دوڭگەلەك ۇستەل بارىسىندا كاسىپكەرلىك بەل­سەندىلىكتى ارتتىرۋعا بوگەت بولىپ وتىرعان اكىمشىلىك كەدەرگىلەر, سونداي-اق جەمقورلىقتىڭ كورى­نىس­تەرىنە قارسى تۇرۋ جانە وسى سالاداعى زاڭنامانى جەتىلدىرۋ ماسەلەلەرى تالقىلاندى. مەملەكەت باسشىسى العا قوي­عان ەكونوميكالىق ساياساتقا ءساي­كەس, كاسىپكەرلەردىڭ زاڭدى قىز­مەت­تەرىنە كەدەرگى كەلتىرۋ جانە نەگىزسىز شەكتەۋ جاعدايلارىنا جول بەرمەۋ بويىنشا مەملەكەتتىك ور­گانداردىڭ ناقتى شارالار قول­دانىپ وتىرعانى اتاپ كورسەتىلدى. سونىمەن قاتار, كاسىپكەرلىكتى دامىتۋعا قولايلى جاعداي قا­لىپ­تاستىرۋ جانە بيزنەس وكىلدەرىن مەملەكەتتىك ورگانداردىڭ زاڭسىز تەكسەرۋلەرىنەن قورعاۋ بويىنشا ودان ءارى بىرلەسكەن شارالار قابىلداۋ قاجەتتىگى تۋىنداپ وتىر. باس پروكۋراتۋرانىڭ قۇقىق­تىق ستاتيستيكا جانە ارنايى ەس­ەپ­كە الۋ جونىندەگى كوميتەتى, “اتا­مەكەن” وداعى جانە “قا­زاق­ستان كاسىپكەرلەرىنىڭ فورۋمى”  اراسىندا كاسىپكەرلەر قۇقىعىن قورعاۋ ماسەلەلەرى جونىندەگى ءوزارا ىنتىماقتاستىق تۋرالى مەموران­دۋمعا قول قويىلدى. “ەگەمەن اقپارات”.